العلاقات
انا شاب في العشرينات ليس لدي اي علاقه ارتباط او علاقة عاطفية وكل تعاملاتي مع الفتيات علاقه صداقه عاديه حتي عند اعجباي بفتاه ومصارحتي لها بذالك تغير الوضع من مقبول لكلام كتير وراحه وكل شويه نتكلم .و اتغير الوضع تاني بشكل ملحوظ في المعامله وقررت اننا نبقي نتعامل كاصدقاء و بعدها بيوم رحت واخد بلوك بدون سبب مع ان كلامها ان انا معملتش معاها حاجه غلط وانها بتحترمني جدا وبتعزني جدا جدا بصراحه مفهمتش ايه السبب اللي خلاها تعمل كده غير بعدها لما اكتشفت انها ارتبط بشخص اخر وللاسف انو طلع واحد صحبي كنت حاكيلو اد ايه معجب بيها وعايزها تبقي من نصيبي ما علينا اتصدمت طبعا منه وتعاملت مع الموضوع باني ابعد خالص .
اتاثرت جدا بس بحاول انسي اللي حصل
المشكله اني الموضوع حصل قبل كدا معايا بس بشكل تاني يعني قالتلي احنا أصدقاء وبس ومحصلش بينا حاجه وحشه وانا اتفهمت ده ولما عرفت بعد كدا سبب رفضها الارتباط بيا واللي خلاني استغرب انها قالت انو محترم اوي
طب حوا الواحد لما يبقي زوق مع البنت اللي يعجب بيها ويعاملها باحترام ويحاول اي خلافات يحلها معاها بالتفاهم بدل الخناق يبقي كده وحش ومينفعش لان دا بردو كان نفس سبب البنت التانيه و ناس بتقولي مينفعش يبان انك محترم اوي وملكش تجارب البنات مبيحبوش كده هوا الواحد لازم يبقي ليه تجارب عشان يخلي البنت اللي يعجب بيها تعجب بيه ??
علما بان الاتنين كنت عارض عليهم الارتباط الرسمي مش عايز اتسلي انا كنت عايز بس اني ابقي دغري وصريح معاهم وده بردو حاجه محبوهاش فيا .
أهلاً محمد،
بالتأكيد الذوق والإحترام صفات حميدة وليست السبب وراء عدم توفيقك في العلاقات. ولكن السبب الحقيقي بكل تأكيد هو عدم التوافق وتبادل المشاعر بينك وبين من أخترتهم.
أحياناً كثيرة نشعر بالإعجاب أو الحب تجاه أشخاص قد لا يبادلونا نفس الشعور. وقد يساعدنا ذلك على التعرف على ما نبحث عنه في المرات القادمة.
كذلك من المهم ان تعبر عن مشاعرك بشكل واضح حتى لا يختلط الأمر مع الصداقة في أذهانهن.
في الرابط التالي تجد معلومات ونصائح عن التعارف واللقاءات الأولى قد تساعدك
https://lmarabic.com/resource/tips-relationships
فكرة ان الإحترام وعدم الخبرة أمران غير مستحبان من البعض، ليس معناه انها صفات مكروهة، بل قد يكون معناه انك تحتاج للبحث عن فتاة تتوافق معك فكرياً، أخلاقياً، إجتماعياً وعاطفياً حتى تتمكن من التواصل معها. فبالطبع قد يفضل من لهم خبرات متعددة ان يرتبطوا بمن لهم خبرات أيضاً، ومن ليس لهم خبرات يفضلون أحياناً من هم بدون خبرات كثيرة أيضاً في العلاقات. ولذلك وضحت لك ان التوافق هو المفتاح لنجاح العلاقة.
أتمنى لك التوفيق.
تحياتي