الجسد

تم نشره من قِبل Moodya

انا مشكلتى غريبة. انا بحب اقلد البنات خاصة فى الميكياج و بالأخص المانيكير و الروج. بتجنن وانا فى محلات الميك و اقف انقى و اختار بالساعات زى البنات و اكتر.
بغير من اى بنت لابس كعب عالى و عاملة مانيكير حلو. بروح صالونات التجميل اعمل باديكير و اروح البيت اعمل مانيكير و رسومات كتيرة انا بكتب دلوقتى و انا حاطه مانيكير فى رجلى تقريبا مش بمسحة و بجدده و بحب اتكلم بصيغة الانثى و امتلك ميكياج اكتر من اى بنت. بحب البنات تشوفنى كده و مش عايز الراجالة يشوفونى كده. انا بميل للبنات و بحبك و انا راجل كامل مش عايز اعمل اى علاقات مع اى رجل. عاوز اتجوز بنت. بس بحب شكلى وانا بنت و بالميكياج و ده بيبسطنى اوى و مش عايز ابطله بس لما بعمل العادة السرية من شكلى كبنت بهدى و اندم على ما فعلت و بكره نفسى.

انا عجبتى ردكم العلمى على هذه الموضوعات. عشان كده اتشجعت و كتبت المشكلة.
انا عمرى 27 سنة

افيدونى

الإجابة
0

أهلاً بك، لِبسَة الجِنس الآخر (بالإنجليزية: Transvestism) هي مُمارسة ارتداء الملابس والتصرف بأسلوب أو طريقة ترتبط تقليدياً مع الجنس الآخر.

لا يمكن اعتبار ذلك اضطراباً جنسياً ما دام لا يسبب لصاحبه المشاعر السلبية مثل التوتر والقلق والاكتئاب والشعور بالذنب أو العار، ويمكن اعتباره من ضمن التفضيلات الشخصية، كما أنه لا علاقة له بالميول الجنسية ويمكن لرجل يحب أن يرتدي ملابس النساء وأن يتصرف كالنساء أن ينجذب جنسياً للنساء كما هو في حالتك.

يعتبر "لِبسَة الجِنس الآخر" اضطراباً جنسياً إذا اختبر الشخص الشعور بالاستثارة الجنسية عن طريق ارتداء ملابس الجنس الآخر لمدة لا تقل عن ستة أشهر وصاحب ذلك الشعور بمشاعر سلبية قوية كالتوتر والقلق والاكتئاب والشعور بالذنب أو العار أو أدى إلى التدهور على المستوى الوظيفي أو الدراسي أو الاجتماعي.

الأشخاص الذين يعانون من هذا الاضطراب يحتاجون إلى جلسات العلاج النفسي التي تركز على علاج الرؤية السلبية للذات كما قد يحتاجون إلى العلاج الدوائي في بعض الأحيان مثل مضادات الاكتئاب.

لذا ننصحك بزيارة الأخصائي النفسي في أقرب وقت للتقييم والعلاج.

مع تحيات فريق الحب ثقافة

0

شكرا لحضرتك جدا على الرد السريع و العلمى. اجابتك جعلتنى اكثر اتزان و تفكير بهدوء لان انا مستقر و معنديش اى توتر او قلق

بس اجابة حضرتك معناها انى استمرفى اللى انا بعمله و مفيش مشكلة خاصة انى ببقى مبسوط اوى و انا شكلى زى البنات و بعمل مانيكير و ميكياج
خاصة ان الموضوع تطور شوية لان نزلت انهردة الشارع كرجل طبيعى بس كنت حاطة روج خفيف مش باين بس كنت مبسوط وروحت صالون تجميل الاظافر و طلبت من البنت تعملى باديكير و مانيكير و شكل ضوافر البنات طبعا اتريقت و ضحكت عليا و انا كنت مبسوط و عملتى اللى طلبته بس محدش شاف مانيكير رجلى غيرى انا و البنت اللى عملته و هى عملته على سبيل الهزار

انا اسف على طول الشرح بس ببقى مبسوط و انا بحكى عن نفسى و انا زى البنات

يمكن الموضوع ده يساعد فى تشخيص حالتى

انصحنى استمر و انبسط كل ما ااقلد البنات خاصة انا بعمل ميكياج بس كل 10 مرة. ولا اتعالج نفسى عشان ابطل خالص.

شكرا