العلاقات

انا محتارة كل مرة بحس انه حب اطفال وهمى وبحس ان لسه قدامى مستقبل طويل لسه ولسه قدامى اختيارات كتير ...لكن باجى بعد فترة وارجعله واحس ان اللى عندى اوهام وهو مناسب ليا وكمان ضامناه عشان هو شخص محترم وقريبنا فحافظاه جدا بكل تفاصيله والحقيقه وقف معايا فى اوقات وحشه كتير ومنساش ان لما مامتى اتوفت هو كان سندى ...بقي اكتر من صاحب ليا بقيت احبه كصديق واخ وحبيب ....بس احيانا كتير بتحصل خناقات ومشحانات بينا لاسباب تافهة غيرة او اسباب شبه تافهة ...فترة احس خلاص هو ده الشخص اللى عاوزاه وفترة احس مش عاوزاه وخايفه اسيبه برضو وارجع اندم.....انا حصلي مشاكل كتير لا تطاق فى الفترة الاخيرة ومازلت فيها فبحس ان كل ده بسبب اضطراب نفسيتى من المشاكل مش بسببه هو ....عندى سؤال مش عارفه اوصل لاجابته هو ممكن اكون بس اتعلقت بيه عشان وقف معايا فى لحظاتى الوحشه فكانى ادمنته فمش عارفه اسيبه بسبب كده ولا ملوش علاقه؟!