الممارسة الحميمية

تم نشره من قِبل Lalo Lolo

أنا وخطيبي سيبنا بعض ، بس كنّا مارسنا علاقه سطحيه كذا مره وكان رائع فيها جدا و بلوم نفسي عليها وعلى ذمبي لحد دلوقتي ، انا حبيته جدا بس جت فتره كترت فيها المشاكل جدا بسبب اختلاف طباع وافكار ، الحاجه الوحيدة ال مأثره معايه فيه اتفاقنا الجنسي ، حسيت قد ايه هوا عايز يبسطني فيها لما لاقى عندي اهتمام للجانب دا وكان اكتر جانب كنّا متفقين فيه ، سؤالي هل العلاقه الجنسيه فالجواز واستمراري معاه عامل مهم كان ممكن يخليني اني اكمل واتغاضى عن طباعه وافكاره واهله ال مختلفين فيها هل كان ممكن الجنس يهون حجات تانيه ويساعدنا نتفق فالحياه بينا ، انا حبيته جدا وكل تفكيري فيه مع ان كان في مشاكل كتير هوا ازاي كان بيرضيني فالعلاقة بس كنّا وصلنا ان اَي خناقه نراضي بعض بالتفكير دا حسيت العلاقه كانت قايمه بيني وبينه وقت الصلح على دا بس ، بس من جوايه كنت بقول نقصني حجات كتير زي الكلمه الحلوه جبر الخاطر مكنش بيتغزل فيا مع اني جميله الحمدلله ولا فلبسي ولا اَي حاجه مبيعديش الغلطات علاقتي مع أهله كانت صعبه وبيحبهم بزياده لدرجه حسيت منها انه ممكن يتخلى عني عادي لو حصل حاجه ، وكان بيجي فبالي انه اكيد بعد الجواز الجنس مسيره بيبقى حاجه روتينيه والجنس مش كل حاجه ، بلوم نفسي وبدعي ربنا يعفرلي ويرحمني من الذمب والعذاب ال جوايا عشان خلاني اعمل معاه كده وإحساسي بالذمب للراجل ال بعده احنا كنّا هنجوز خلاص لولا زياده الخلافات، هل السبب دا كان كافي وارتياحي معاه فيه لدرجه خوفي الراجل ال بعده ميبسطنيش او يبقى تفكيره فالجنس تقليدي غيره فهل السبب الجنسي دا كان الحاجه ممكن ال تخليني اني اكمل لاني اكتر حاجه بفكر فيها بعد الخلافات وأننا نسيب بعض مش الوحش لكن وقتنا الحلو مع بعض فالحجات دي ريحوني بالله عليكو لاني تعبت من كتر التفكير ونفسي انسى وربنا يغفرلي ويتوب عليا وانساه هوا شخصيا

الإجابة
1

الجواز مش سرير و بس ، يمكن العلاقة الجنسية تمثل ٣٠% من منظومة الزواج و بتطحنا الحياة بأعباءها و مسئولياتها حبيبك هذا أو خطيبك زى ما بتقولى كان بيحاول يبسط نفسه مش يبسطك ، انتى كبنت مش هتفهمى ده لكنه كان بيرضى احتياجاته هو مش انتى ، الزواج عيلتين بيناسبوا بعض و شخصين لازم يكون بينهم اتفاق بنسبة كبيرة فى الطباع و المستوى الاجتماعى و الثقافى و غيره ، الفخ اللى وقعتوا فيه هو فخ إشباع احتياجكم العاطفى و الجنسى لأن للأسف دى حفرة لما ننزل فيها مش بنعرف نطلع بسهولة و بيكون الجنس هو المسيطر على تفكيرنا طول الوقت و بنتغاضى عن كل حاجة طالما قادرين نشوف الحب عن طريق الجنس و فقط ، عشان كده الدين صح فى تنظيم العلاقات ، أنا عايزك تتناسى لحد ما تنسى ، اقطعى كل وسيلة للتواصل بالشخص ده و احذفى كل الصور و اى شئ يذكرك به و لا تستغرقى فى التفكير كل ما تراودك خيالات الماضى ، ما تلوميش نفسك لأن كلنا بنغلط بس اتعلمى من التجربة علشان علاقتك الجديدة مع شخص جديد ما تقعيش فيها فى نفس الفخ ( فخ الجنس ) ، أعطى نفسك فترة نقاهة قبل مقابلة أى شخص كده و ظبطى أولوياتك فى اختيار شريك الحياة و تعاملى بعقلانية أكتر و ربنا يسعدك

0

الجنس السطحي مش مقياس للقدره الجنسيه والجنس في الزواج شي مهم لاستمرار العلاقه ولكنه ليس كل شي
وزي ما انتي خيفه يجي واحد ما يقدرش متطلباتك الجنسيه ممكن يجي واحد يقدر اكتر من اللي كان معاكي وممكن يجي واحد يديكي حب كويس بس مايدكيش جنس كويس والعكس الجنس عموما وقته قصير اما الحب والعشره الحلوه مدتهم طويله اوي

Ensan Ade
0

اعتقد انه مش بس العامل دلال يتوقف عليه الجواز يعني مع انه عامل مهم جدا

0

مش فهمك

Ensan Ade
0

شكرًا ليكو جدا ، انا كنت كتبت الرد التاني دا مع السؤال بس اكيد وصل متاخر وكنت بقول هوا عامل مهم جدا بس اكيد مش عشانه لوحده أتغاضى عن حجات كتير ، يمكن عشان اول تجربه خطوبه وأول تجربه حب وأول مره حاجه زي دي تحصل فالموضوع مأثر معايه لاني وثقت فيه وحبيته وقلت هنكمل خلاص وفالاخر دا ال حصل بدعي ربنا دايما يغفرلي ويتوب عليا ويرحمني من الذنب دا وانساه وانساه معاه، وفوقت حزني وهما بيواسوني بيكلمو على انه خلاص مزعلش لانه فعلا مكنش في اتفاق ابدا وهما ميعرفوش النار الجوايه سبب من اسبابها ايه ،

0

أى بنت لما بتحب بتثق جدا و بتضعف و مفيش حدود لعطائها و بتكون عايزة تسعد حبيبها بكل طريقة و من الطرق دى الجنس ، بس خديها منى نصيحة الولاد مش كده ، و كل ما زاد عطاءك الجنسى كل ما زادت شكوكه رغم استمتاعه و بتتحولى فى النهاية بالنسباله لأيقونة جنسية لكن مش زوجة ، استغفرى و توبى من ذنبك و اتعلمى من تجربتك الأولى لكن لا تبالغى فى لوم نفسك ، إحنا بشر و بنغلط و تجربتك كلنا مرينا بها ، اياكى تقارنى خطيبك الأول بأى شخص تانى يتقدملك ، خلى اختيارك عقلى طالما توفر القبول ، العاطفة بتودى فى داهية

0

معلش لوسمحت يعني أيه زادت شكوكه ؟

1

طبعا كل كلامى قبل الزواج ، أثناء فترة الحب أو الخطوبة : لما يجد الولد تساهل مبالغ فيه من البنت يخاف أنها تتساهل مع غيره أو تضعف لغيره زى ما ضعفت معه ، مش الكل كده بس نسبة كبيرة بيفكر التفكير ده و رغم إنه بيكون مشترك فى الإثم إلا إن الأنانية تخليه يقلل من شأن البنت اللى حبيته و ضعفت علشانه و لا يحتقر نفسه ! جزء كبير من الأولاد بتكون العلاقة بالنسباله وسيلة لإشباع نرجسيته أو ساديته ، فلازم نختار صح

1

الحب والجنس لا ينفصلان بس للاسف الي بتحكم فيهما هي العاطفة والقلب الي بيحركهم مشاعرنا وغرائزنا والاشباع الجنسي عشان احكم علي الموضوع ده بعقلك وليس بقلبك ومشاعرك... الجنس بعد الجواز بفترة بيتحول الي شكل روتيني بسبب مشاكل الاطفال والحياة... وارجو المعذرة الي انت عملتيه ده ذنب والشعور بالذنب هي اول علامة التوبه... اختي العزيزة لا تستلمي لغرائزك ومشاعرك لانها خداعة... وان شاء الله لم تقابلي واحد اخري لازم يكون قريب من مستواكي الثقافي والاجتماعي والمادي لا اكثر ولا اقل والدين ايضا وبالآخص

0

مش عايزه احس بالذمب اكتر من كده لان والله كنت بعترض بس هوا كان بيزعل جدا ومكنتش ببقى عايزه اشوفه زعلان وحاولت ارضيه عشان ميتفرجش على حاجه تانيه او يبص بره وقلتله قبل منفسخ فنقاشتنا قبل اَي حاجه متحصل اني عايزه اسعد الشخص ال هيبقى جوزي وارضيه واعمله كل ال نفسه فيه مكنتش بحس ابدا انه ممكن يشوفني كده زي مقلت ابقى حد مش كويس لاننا كنّا هنكمل ونجوز بس بعد ال حصل بينا وسبنا بعض ابتدت الأفكار السيئه تجيلي واكتر ال مزعلني انه كان وصلني لفديوهات لانه كان بيسافر ،قعدت ارفض دايما بس كان بيزعل جامد لان الموضوع كان عنده مهم ومكنتش بحبه يزعل و يضايق ابدا عشان سفره وبوحشه ولما كنت بعمل دا بيبقى مبسوط جدا وكنت بنبسط لانبساطه كزوج فوقت حتى الأمور لما مكنتش تبقى مظبوطه بينا وكنت بقول ربنا هيصلحها ومعرفش ان الأمر هيأدينا فالاخر لكده وانه يبقى حمل وعبء عليا نتيجه غلطي
لما جينا ننفصل طبعا مشغلنيش غير ال هوا جرني ليه اكتر من انفصالنا تحديدا وعندي وسواس انه ممكن يضرني معرفش ليه مع انه حد كويس ومحافظ وكان بيخاف عليا بس خايفه يلاقيني ارتبط تاني مثلا فرحانه فحياتي اَي حاجه ويطلعلي ،خايفه من المستقبل ، وبقول مهوا اكيد هيبقى ليه حياته برده وهيعمل ايه وشكلي مش باين فيهم كمان ، مش عارفه بحاول اهون ايه ولا ايه وبعد مسيبنا بعض من الأفكار ال بتجيلي هيقول اكيد ضعفت معايه هتضعف مع غيري احساس وحش اوي اوي والله ، اما بقعد مع نفسي بفضل اعيط ودايما بحاول اهدي نفسي وادعي لما بيواسوني ببقى نفسي اقول أني مذنبه ذنب كبير ومش بقدر،احساسي فكل الحواليا اخويه ماما وبابا عيلتي إحساسي اني مذنبه لان انا شخص والله محافظ ونيتي سليمه وميطلعش مني حاجه زي كده معرفش انا ازاي عملت كده او لو أتعرف هيبقى شكلي ايه انا ممكن اموت سعتها معرفش انا هونت عليه ازاي، كان المفروض حكمت عقلي مشاكل يبقى منصغش ورا قلبي واطاوعه بس مكنش بيهون عليا لان فكل خلافاتنا الاولى مكنش عنده مبدأ اننا نسيب بعض اصلا لحد ما الأمور وصلت لحال سيء فالفتره الصغيرة الاخيره وحسيت دا ضغط من أهله ومراعنيش كان نفسي اكتم كل ال جوايا بس مش قادره هموت ولقيت اني اكتب هنا وأتكلم ، وبقول اَي حد هيتقدملي وصاحب اخويه عايز كده ، كل مبيجو يكلموني بنقهر وإحساسي بنفسي من جوه وحش وبقول ذمبه ايه ، وبقول ليه انا عملت كده مكنش نفسي يبقى ليا تجارب هوا كان اول تجربه واول حب وهوا كان مبسوط بدا لان دي حاجه بتبسط اَي راجل وكنت فخوره بنفسي ودلوقتي ماتت خلاص بعد ملمسني، انا عارفه اني مذنبه وذنب كبير ومش عايزه حد يحمل عليا عايزه ربنا يسترها معايه بس ويعفو عني ويغفرلي وارتاح من الهواجس ال عندي

1

انا اسفه طولت بس مش قادره اكتم ال جوايا تعبت مش عارفه اتكلم مع حد أمي وأخويه وصديقتي اقرب ناس ليا بيهونو عليا بس زعلي من السبب الأساسي مش هقدر اقوله انا فعلا من جوايا خوف وضيق وسدت نفس
ربنا يرحمني ويعفو عني
ازاي اعرف ان ربنا هيقف جمبي ومش هيسبني ، بقول يارب لما اصحى احس ان نفسي هادئه ومستقره واني انسى عشان احس انه راضي عني
وان مش هيحصلي حاجه وأقدر اتأقلم مع القادم

0

يا لولو ، هو مين بس اللى مالوش ذنوب و بلاوى ؟! ، فيه ناس بتوصل للزنا و كبائر عظيمة و باب التوبة و المغفرة مفتوح طول الوقت ، انتى ضعفتى و ده طبيعى جدا جدا و هو شخص شهوانى حتى لو كان ظاهر متدين أو محافظ كان بيشبع شهوته عن طريقك و لو مكنتيش موجودة كان هيشوف سكة غيرك ، و مفيش حاجة اسمها عشان احميه يشوف حاجة مش كويسة أو يبص برا بالعكس الشهوة بتجيب شهوة و هو كان بيتفرج و بيبص برا و الله ، هو مكنش ملاك زى ما انتى متخيلة ، أتمنى إنه يكون عاقل بس و حذف المقاطع دى و لو لا قدر الله حاول يبتزك بيها اياااكى تترددى تعرفى أهلك ، هيعذروكى و يعرفوا يجيبوا حقك و إن شاء الله ده كله ما يحصلش ، المهم دلوقتى قولتلك خدى فترة نقاهة قبل التفكير فى الارتباط تانى و لو ٣ إلى ٦ شهور على حسب استجابتك التعافى و حاولى تشغلى نفسك لو مقدرتيش زورى طبيب نفسى مش عيب ، قد يكون خير و حياتك معاه كانت هتبقى مشاكل بينكم و بين أهاليكم ، كلنا بنغلط و لو اتقدملك بعد فترة النقاهة شخص كويس تنسى الماضى تماما و متقارنيش و تلومى نفسك و تقولى ذنبه و مش ذنبه و اتعلمى من التجربة و بس ، بالعكس انتى حد كويس جدا و حتى ضعفك كان لأنك صادقة فى حبك و عايزة تسعدى شريكك

0

فضفضى براحتك و طلعى اللى جواكى و انا بحاول اساعدك ، تأكدى أن رحمة ربنا أكبر و أوسع من ذنوبنا مهما عظمت

1

أهلاً بكِ،

من المؤكد أن الجنس امر مهم جداً وضرور لإنجاح العلاقة الزوجية بين الطرفين ولكن الجنس لن يكون سبب في إنجاح العلاقة.
تقول الدكتورة علياء جاد " إذا فشلت العلاقة الجنسية فشلت العلاقة الزوجية ولكن إذا نجحت العلاقة الجنسية لن تكون سبب كافي لإنجاح الزواج"

الإتفاق العقلي والحسي والمعنوي أمور مهمة جداً في العلاقة الزوجية.

اتمني أن تجدي شريك يتفهمك على جميع الأصعده.

محبتي.

0

وهل انا هفضل فشك وخوف دا الحياه طويله اوي ، انا وهوا سبنا بعض باتفقنا سوا على كده وخلاص هيبقى صعب رجوع اَي حاجه تاني لا جه عليا ولا جيت عليه بل بيني وبين نفسي بقول هوا مراعاش اني اتغيرت عشانه وعملت حجات كتير عشانه، بس بقول لو شافني مثلا ماشيه فحياتي ومبسوطه ولا مع راجل تاني ممكن يحصل ايه ، مع انه حد كان كويس جدا والله وسمعته كويسه بس انا بطبيعتي بخَون وعمري فحياتي مفكرت اخَونه هوا شخصيا وإلا مكنش وصلت للوصلته دلوقتي بس بعد مكل واحد بيروح لحاله بخاف من الناس وتفكرها وحاسيت بالخوف منه ،ولما بهون على نفسي بقول شكلي مش باين فيهم ولو فكر هيعمل ايه بس وليه هيعمل كده وهوا شاب وهيتجوز برده وخلاص كل واحد ليه حياته بس هاجس التفكير وان اخلق للحاجه شكوك كتير ف افضل اقلق فنفسي وأفضل بالوضع دا هوا الغالب دايما عليا ،اهدي نفسي وارجع افتكر تاني وأفضل اعيط وأخاف، اول مقولت لو فكر يبتزك عرفي اهلك مجرد الكلمه خلتني ارجع اخاف وأفكر وهتعب اكتر والله لان الموضوع هيبقى ضياع فكل حاجه بقول الحجات دي المفروض بتدفن مع الشخصين زي منا بفكر عارفه مفيش حاجه تتقال بس نفسي ابطل أتوقع السيء والله والله اعلم بنوايا كل واحد بس ، احسن الظن فربنا على أمل انه هيغفرلي ويرحمني من ال انا فيه واتعلم من خطئي لان مش هستحمل حاجه تحصل

0

يا ستى طالما انتى عرفاه صدقى حدسك ، البنات عندهم ذكاء عاطفى عالى جدا ، فطالما عارفة إنه بيخاف على سمعته و صورته قدام الناس أكيد مش هيحاول يشوهها لأن فضيحتك هى فضيحته ، سامحينى لو بقسى عليكى شوية أحيانا بس عشان تتعلمى مش أكتر ، الابتزاز ده بيحصل لما يكون شخص مش متربى كويس ، أنا بتوقع أسوأ حاجة مش أكتر و بقولك الحل لأن البنات بتضعف و بتخاف و ترضخ للابزاز ، مع ان اللى بيبتز ده زى المتحرش كده بيكون مرعوب و مستنى منك موقف عشان يرتدع ، بس فأنا قولتلك الحل الأمثل وقتها ان الأهل يكلموا أهله عشان يلموه ، و انتى عرضة للمواقف دى عمتا بعيدا عن حوارك ده ، و فيه مباحث انترنت عادى بتجيب الحقوق و أبسط حاجة هكر موبايلى و سرق مقاطع شخصية ، الحلول موجودة حتى لأصعب مشكلة ممكن تتخيليها ، خدى الأمور ببساطة شوية

0

والله ولا بقى في ذكاء عاطفي ولا اَي حاجه انا بحاول اهون على نفسي بكلامه فوقت مكنا كويسين مع بعض مش اكتر انا حبيته وسلمت لحجات كتير من غير مفكر ف اَي حاجه ربنا يديني على قد نيتي معاه بس ومفضلش فالوضع ال انا فيه دا كتير وعايزه اخرج من بسرعه

0

عادى عادى ، احذفى كل اللى يفكرك أو يربطك بيه و خدى وقتك خالص فى الصدمة و الزعل و الغضب و البكاء و كل حاجة و اصرخى فى اخواتك و كسرى البيت و بعدها ابدأى حياة جديدة على نضافة و احساس بالحرية و قدرة على توجيه العواطف و تغليب العقل و هتخفى فى النهاية و تبقى زى الفل و تلاقى اللى يصدق معاكى و يعوضك

0

مش عارفه اقولك ايه بس شكرًا جدا ربنا يعلم انا فيا ايه مبهداش غير لما اتكلم وللاسف حاجه مش قادره أحكيها لحد من ناسي فتعبانه نفسيا جدا ، كل ال اقدر اقوله دخل بيتنا وأكرمناه وأهلي عرفه أهله وكان خطيبي وكويس معايه ومكنش في بينا حاجه وحشه يمكن المشاكل الاخيره لما شدت ال خلقت دا عندي
وعارفه اني لسه فالأول وصدمه عليا عشان كده جايز الموضوع مأرقني جدا ربنا يلهمني النسيان بسرعه عشان اتخطاها بقى ولعل الله يرحمني ويغفرلي ربنا يكرمك

1

شكرًا ليك جدا

0

بيحصل و مش نهاية العالم ، ربنا يفرج كربك و يريح بالك و يشرح صدرك ، العفو يا ست البنات ، تحت أمرك فى أى وقت ..

0

انا صديقتك وأختك تعالي فضفضي وانا هاقف جانبك لحد ماتعدي محنتك وان شاء الله تكون منحتك

0

العلاقة بين الزوجين عامل أساسي لاستمرار الزواج و نجاحة . تعرفي أنه لما خطيبك يحاول يسعدك في العلاقة دا معناه أنه بيحبك و مهتم بيكي . و موضوع أنه بيحب أهله فهذا شئ طبيعي لأنه عاش و تربى وسطهم و هذه صفة إيجابية يتمتع بها و اعرفي أنه لو مكانش بيحب أهله الي عاش وسطهم اكثر من ٢٠ سنة اكيد مش حيحبك انت و هنا تبقا شطارتك ازاي تكسبي حبه و اضمنلك أن العمر و العشرة حتخليه يتمسك بيكي اكثر . أما بالنسبة للي يقول إنه شهواني و حكات زي دي احب اقول ان الراجل ممكن يفرغ الشهوة بممارسة العادة السرية أما أنه يشارك و يمتع خطيبته أو زوجته في العلاقة الحميمة فهذا يسمى حب و احب اقول ان الزوج و الزوجة لو كانو متفقين بالعلاقة الجنسية فهذا سبب قوي لاستمرار الزواج . و عصفور باليد خير من عشرة على الشجرة ممكن يتقدملك حد لا يتفق معاك بالعلاقة الحميمة و لا يتفق معاك بأمور الحياة المختلفة .