مواضيع أخرى

تم نشره من قِبل Yarab22020

ايه هي الحالات اللي تخليني اسيب البيت واتأكد أن وجودي فيه خطر ؟ أنا بنت عندي ٢٠ سنة بابا سايبنا من زمان و من ساعتها وانا في مشاكل خصوصا مع ماما بسبب قلة الفلوس وعدم اهتمام بابا بينا ( رغم أن ماما كانت تقدر تجيب حقنا منه بالقانون إلا أنها لحد اخر لحظة مش بتعمل ده رغم أننا محتاجين ماديا ) من الاخر ماما طول عمرها بتعايرنا وبتذلنا وبتحطنا في مشاكل ملناش يد فيها وبتحاول تكسرنا وتكسر عيننا بأي طريقة وخصوصا أنا و دايما بتعنفني لفظيا و جسديا لدرجة اني كنت فاكرة أن ده طبيعي
حاليا ماما بتتنمر عليا وبتضربني لأتفه الأسباب وضرب عنيف جدا اخر مرة كنت هموت وهي بتضربني ، وبتتحرش بيا كتير مع انها متجوزة و بتعمل كدا معايا دونا عن اخواتي وانا فعلا يعتبر اجمل من اخواتي حتى اختي بلاحظ احيانا منها حركات بتعملها معايا بتحاول تلمسني
أنا اكبر اخواتي بس جسمي اضعف منهم وماما جسمها عامل زي الرجالة عندها عضلات وقوية جدا لما بتضربني أو بتتحرش بيا مش بقدر ادافع عن نفسي
نفسيتي تعبت جدا و قلبي بيوجعني وبقيت مش بنام بالليل وعندي مشاكل في التنفس و ضغط الدم بسبب النفسية ومش بعرف اذاكر وكتير بفكر في الانتحار
وصلت لمرحلة اني عايشة في صراع يا اما اسيب البيت أو انتحر مع اني حاسة لو سبت البيت ربنا هيكرمني وهيعوضني عن القرف ده و بالفعل عندي خطة وجاهزة اسيب البيت في أي وقت
عارفة أن سؤالي طويل بس يارب حد يفيدني برأيه ويكون عنده علم وحكمة
هل فعلا أنا كدا في خطر ؟ و هل لو اضطريت اقلع الحجاب عشان الشغل لأن ده الشغل الوحيد المتاح ليا حاليا ربنا هيغضب عليا ومش هيكرمني ؟

الإجابة
0

ياريت محدش يقولي اتجوزي حد يصونك والكلام ده لأن اولا مفيش فلوس اتجهز بيها ثانيا أنا متعقدة من الجواز ثالثا لو حصلت مشاكل بيني وبين زوجي هلجأ لمين ؟ لأهلي اللي هما اصلا مش أهل ! اللي اصلا بيعذبوني وعايزة اهرب منهم !؟ رابعا أنا لسه محققتش اي حاجة في حياتي يعتبر ببدأ من الصفر يعني مش جاهزة تماماً

0

بصى هقولك حاجا انا شايفا انك مش تقلعى الحجاب حتى لو هو الشغل الوحيد قدامك لان انتى كدا هتغضبى ربنا وانتى محتاجا ربنا يقف جمبك ويساعدك تعدى المشكلة الى فى حياتك
بصى هو الحل الوحيد انك تروحى لباباكى تتكلمى معاه وتفهمى منو سبب بعدو عنكم يمكن مامتك هى اللى كانت بعداه عنكم وهو الوحيد الى هيجيبلك حقك
منها تكونى مطمنة وانتى مع حد من دمك ومش امك ومنها تكونى خلصتى من مشكلة وجودك فى البيت وحتى لو فكرتى تتجوزى بعد كده هيكون ليكى ضهر الى هو ابوكى

0

عملت كدا يا ماهي من سنة تقريبا ولقيت العكس
بابا اصلا متجوز وماشي بدماغ مراته فضل يسمع كلامها ويتخانق معايا منغير سبب لحد ما طردني واضطريت ارجع لماما مكسورة اكتر من الاول
حتى وانا عنده مكنش بيصرف جنيه عليا ده غير أنه كان حابسني ومانعني حتى اشوف اصحابي وكمان كان سايبني عند تيتا اللي هي اصلا مش بتحب حد يعيش معاها وكانت بردو منكدة عليا

0

كدا تقريبا الدنيا متقفله معاكى من كول ناحية
بوصى الحل الوحيد قدامك انك تلاقى عريس مناسب
انا عارفا انك متعقدة من الجواز لاكن هو الطريق الوحيد عاشان تهربى من دا كله
لو انتى لسا بتدرسى شوفى اصحابك او من المحيطين بيكى واكيد فيه حد ملائم وانتى عاجباه وشوفى هو يستاهلك ولا مش يستاهلك وبعد كده على موضوع الجواز بقا والمشاكل بعد الجواز صدقينى الدنيا بتتحل انا والدتى والدها ووالدتها كانم متوفيين وكان مهما يحصل مشاكل تحاول متكبرش الدنيا وتتحل بالروقان بينها وبين والدى لان عارفا ان مالهاش حد والدنيا مشت
او ممكن تلجأى لحد من اقاربك متل خالك اخو والدتك او عمك او عمتك كدا يعنى يساعدك ويؤويكى فى بيته لحد ماتقدرى تقفى على رجلك وتشتغلى وتشترى لنفسك بيت او هما يساعدوكى تلاقى انسان صالح ويكونم هم اهلك
لان عادى مش لازم الام والاب هما الى يبقم مسؤولين عليكى حتى بعد زواجك حاولى تلاقى اى حد من اقاربك يكون عون وسند ليكى صدقينى لان اى حد اخر هيكون بشكل او باخر طمعان فيكى وبلاش تقلعى الحجاب صدقينى ده ستره ليكى
وصدقينى كمان مهما تهربى من البيت وانتى معكيش فلوس او مكان خاص بيكى هتتبهدلى جدا يمكن اكتر من بهدلتك فى البيت
واسأل الله ان يساندك ويقف جمبك ويحميكى من شر النفوس الى حوليكى كلهم ويخلصك منهم

0

امين يارب شكرا ليكي هحاول اعمل كدا

0

لا شكر على واجب
لو سمحت لو تعرفى تجاوبينى على سؤالى اكون شاكرة ليكى انا غلطت وبجد تعبانة اوى ومش عارفه هل يحصل حاجا من الممارسة هذه ساعدينى لو تعرفى

0

أنا قريت سؤالك و في ناس كتيرة جاوبت أن مستحيل يحصل حمل وانا رأيي كدا بردو مستحيل

0

ربنا يطمن قلبك انا عندى وجع فى حلمات الصدر وموجود معى من 5 ايام وانا باقيلى على معاد الدورة الطبيعى 5 ايام ومش عارفا هل هو وجع دورة عادى ولا ايه انا حقيقى تعبانة وندمانة اوى بالله عليكى ادعيلى تنزل دورتى فى معادها انتى متل اختى فى الله ربنا يسترك دنيا واخرة

0

يا حبيبتي هو الطبيعي اصلا أن الدورة احيانا معادها بيتأخر شوية أو بتيجي بدري ساعات واحيانا بيبقا ليها اعراض مختلفة من الم في البطن أو الضهر أو الصدر واحيانا بتوصل للترجيع وفقدان الشهية ده طبيعي بسبب لخبطة الهرمونات وممكن بسبب ضعف في الجسم زي الانيميا و كدا ... حاجة طبيعية وبتحصل لكل البنات متقلقيش من حاجة هو انتي عندك كام سنة ؟

0

بردو التوتر والنفسية بيأثروا حاولي تخليكي عادي مش تتوتري واشربي حاجات دافية كتير وكلي كويس واتحركي وعيشي حياتك عادي ، التفكير والقلق هيأثر عليكي سلبا ولو فعلا ندمانة قربي من ربنا وتوبي هو احن عليكي وارحم بيكي من اي حد

1

مرحباً Yarab22020،

أشعر بالأسف الشديد لما تتعرضي له من عنف وإستغلال وإهمال من والديك.

قرار ترك منزل الأسرة قرار مهم ويحتاج لتفكير جاد وتخطيط جيد حتى يتم بنجاح.

أشعر تماماً بتوترك وغضبك وخوفك، ولذلك أتمنى أن تتمهلي قبل إتخاذ أي قرار حتى تكوني في أمان ولا تتعرضي للمزيد من الإستغلال والأذى.

أولاً، إذا كان عمرك أقل من ١٨ سنة، فأنصحك بالإنتظار حتى يصل عمرك ١٨.
ثانياً، هل لديك مصدر دخل مستقر؟ يمكنك الإعتماد عليه للأكل والشرب ومصاريف السكن والتنقل؟
ثالثاً، هل لديك صديقات تثقين بهن يمكنهن دعمك في فترة الإنتقال من منزل الأسرة؟ احرصي دائماً على ألا تكوني وحيدة تماماً، حتى لا تكوني عرضة للإستغلال.
رابعاً، هل يمكنك إيجاد مكان آمن للسكن؟ لا تخرجي من منزل الأسرة قبل تأمين مسكن آخر مناسب وآمن.

أنصحك بمشاهدة الفيديو التالي للمزيد من النصائح حول ترك منزل الأسرة
https://lmarabic.com/our-bodies/female-body/Egyptian-girls-leaving-famil...

والمزيد من النصائح في المقال التالي
https://lmarabic.com/love-and-relationships/sexual-harassment/Egyptian-G...

لا أنصحك بالفرار من عنف الأسرة بالزواج. الزواج القائم على الهروب محكوم عليه بالفشل. لأنه مبنى على تطلعات غير متوافقة. الزواج ليس مهرب بل خطة لبداية أسرة جديدة، وإذا بدأت بالهروب من أخرى فبالتأكيد لن تكون أفضل.

أولوياتك حالياً هي سلامتك الجسدية والنفسية، واستكمال تعليمك أو الإستثمار في مهارات وخبرات عملية تساعدك على الحصول على وظيفة أو مصدر دخل، والحصول على دعم من صديقات أو أقرباء موثوقين حتى لا تمري بهذه التجربة الشاقة بمفردك.

أتمنى أن تتخذي قرار مناسب لا يعرضك للمزيد من الخطر.

تحياتي