مواضيع أخرى
السلام عليكم
انا كنت بحب حد هو مش كنت هو لسه لحد دلوقت حتى هو وكان هيجي يتقدم من 3 سنين وحكى لامه رفضت لأن ازاى انت من بلد وتتجوز حد م القاهره وبنات القاهره لا خد من بلدك ووقفت ف الجوازه اهلى كتير ضغطو عليا اتخطب وكنت بقعد مع عرسان يتقدمو وكنت برفض لان مفيش حد ف قلبي غيره ولحد دلوقت حتى هو مش هيتجوز بسبب كده بقالى 3 سنين صابره ومستنياه ولو جري بيا العمر هفضل مستنياه لانى محبتش ولا هعرف احب ومش هلاقي حد زيه نهائي حد يهتم بتفاصيلي حد يفضل معايا لحد مكون كويسة
ياريت محدش يجرح بالكلام لان ربنا يعلم أن فيا اللي مكفيني
وبنتكلم دلوقت بس بنطمن علي بعض كل فترة وفترة ولسه زى محنا مشاعرنا متغيرتش ومستنيين حاجه تحصل تغيرلنا كل ده
لسه نفس غيرته ونفس خوفه ونفس كل الشغف وكل حاجه وامه مش راضية بالجوازة
انا تعبت جدا تعبت وروحت مستشفى وكنت داخله علي جلطة بسبب الحزن والتعب
اى واحده بتحب هتحس احساسي ده لو بعدت عن الشخص اللي بتحبه
يعتبر مريينى ع أيده من صغري هو اكبر منى بشويه عارفاه من وانا صغيره ف 1 ثانوى علمنى حاجات كتير عرفنى الصح م الغلط
علمنى القوة والنجاح ليه فضل عليا انى اكبر ف شغلي وانجح
لكن معلمنيش القوة من ناحيتة
قالي كان لازم اقولك وابعد عشان قلبك ميتكسرش وقلبك يستاهل حد احسن منى
حقيقي نفسي يعرف كل الكلام ده
نفسي يعرف أن لو عده العمر كله هفضل مستنياه
Sultan
انت تقبل زوجتك تتجوزك وتقيم علاقة مع غيرك في السر؟.. إذا كانت الإجابة نعم فأنت ديوث
وصاحبة الرسالة واضح انها انسانة محترمة مش من النوع المنحل اللي في خيالك
أما صاحبة الرسالة
فالمفروض حبيبك يصمم على زواجه بيكي طالما المشكلة الوحيدة هي اختلاف البلد
وده شئ ميعيبكيش ولا يعيبه
يبقى الصح انه يواجه والدته لحد ما الجواز تتم
لكن في الحالة دي اياكي تكوني انتي في مواجهة مع والدته.. حاولي تكسبيها لحد ما تغير فكرتها السلبية وتتقبلك..
قرار مواجهته لوالدته هو اللي لازم ياخده بدون إيعاز منك نهائي
في حالة انه مقدرش ياخد القرار ده يبقى هو ضعيف في حبه ليكي.. عايز يحب من غير ما يتعب ولا يضحي
وعليكم السلام Lola24253،
أشعر بإحساسك وضيقك وأتفهمه.
الحب شعور جميل ولاسيما لو كان متبادل بين شخصين بينهما توافق. لكن للأسف الحياة مليئة بالصعوبات والتحديات التي قد تجعل تحقيق حلم الارتباط بالحبيب مهمة شاقة.
وصلني من كلامك أنك متمسكة بحبيبك ومتأكدة من قرار الارتباط به. وبالنسبة له، أتفهم الضغط الكبير الذي يمر به في أسرته وضغط أمه عليه، لكن لابد من اتخاذ قرار حاسم في لحظة ما لإنهاء هذا العذاب.
لابد أن يتخذ هو الآخر قرار بشأن هذه العلاقة. لأن أمه لن تغير رأيها من تلقاء نفسها، وكلما وجدته متردد أو خاضع لرأيها، ستستمر في رفضها وليس العكس. لابد من المواجهة.
تحدثي معه، واسأليه عما ينوي فعله ليحل هذه الأزمة؟ هل ينوي مواجهة أمه؟ هل هو مستعد للزواج حتى لو استمرت أمه في الرفض؟ ما هي خطته لحل هذه الأزمة؟ تشاركا الأفكار والخطط، واعلما جيداً أنكما قد تضطرا لاتخاذ قرارات صعبة والتحلى بالشجاعة، لأنكما في النهاية تطالبان بحق طبيعي وهو الزواج. من حقه اختيار زوجته، ومن حقك اختيار زوجك.
تحياتي