الممارسة الحميمية

اتجوزت و خلفت و طول عمري عندي مشكله في ثقتي بنفسي بسبب اني رفيعه و بستمد احساسي ده من عدم رضايا عن جسمي و من الناس حواليا بشكل مستمر مهما حاولت اقتنع بشكل جسمي مش بقدر، جوزي بقى دلوقتي عنده ملل من العلاقه ، هو بيحبني بس مفيش عنده شغف و ساعات بيخاف اطلب منه حاجه و هو مش مهيأ لده وقتها ، الموضوع تقيل عليه ، و انا اكيد طرف لاني مش بثيره طبعا + ان هو بيتأثر بضغط الشغل و المشاكل اللي حواليه ، بتحصل علاقه ع فترات متباعده ظنا منه ان كده هكون وحشته و ف نفس الوقت علشان يرضيني و ما يبقاش بيحرمني من حاجه، انا نفسيا متدمره بسبب الموضوع ده ، حاسه اني مش كفايه أو لازم ينضاف معايا حد لاني أنا ما انفعش.. و مش قادره آخد احتياجي لمجرد اني اتخلقت رفيعه و مش سهل خالص اتخن طبعا ، الموضوع كبير بالنسبه لي و مش قادره اتكلم مع حد فيه
هو كده كده مش هيقدر يتجوز تاني و انا عمري ما هستحمل ده يحصل و هنسحب خالص وقتها، انا حاسه بالنقص لوحدي مش محتاجه حد يحسسني بكده أكتر ، فكرة تغيير المكان و الشكل و الميكب مالهاش لازمه و هو اصلا شايف الموضوع فاكس ، هو مش بيحاول يحسسني بنقص ما عدا بس لو من غير قصد بنتكلم بصراحه ف بيكون بيوصف حد او بحس برغبته ف حاجه معينه مش قادره احققها . و ماحدش يقولي احنا اتخلقنا مختلفين علشان كل انسان بيفضل حاجه غير التاني ،لاني انا ليا ان جوزي مش بيحب الجسم ده
محتاجه حد يساعدني و انا نفسي اصلا مش بحب الجسم الرفيع و لو عليا نفسي اتخن بأي طريقه حنى لو مضره