مواضيع أخرى
كنت عايز اكتب الرساله دى من زمان بس كنت متردد
انا كنت خاطب بنت وحبيتها اوى وكنت بحب اعملها كل حاجه بتحبها وكنت بهتم بيها على طول ومكنتش بحاول ازعلها وصرحتلها بحبى ليها وكانت على طول بتحب تسمع متى اقولها انى بحبها
الاول كنت متردد انى اصرحلها واقولها الكلمه دى عشان كنت خايف فى يوم من الايام انها متبقاش ليها طعم
ومرت الايام واحنا مع بعض وعدى على خطوبتنا اربه شهور ونص تقريبا ونزلنا انا وهيا نتفرج على شقه كنت ناوى اشتريها بس اللى عاجبها شقه تانيه فى مكان اغلى ومكنتش عامل حسابى على كدا
المهم قولتلها ظروفى وقلتلها الشقه اللى انا مخترها هقدر اشطبها ويادوب اجيب العفش وقولتلها يابنت الناس انا عايزك وعايز اكمل حياتى معاكى قالتليى وانا عايزاك وعايزه الشقه ومش عايزه يبقى علينا ديون معرفتش اعمل حاجه وسبتها تفكر يومين وللأسف متصلتش بيها خلال اليومين دول كانت دماغى هتنفجر من التفكير بس مقدرتش الكلام ده وفتكرت انى مش عايز اكلمها واتخذت القرار بالانفصال وقالت كل واحد يشوف طريقه
ملحوظه انا كان تعليمى ازهرى وعمرى ماعرفت بنات ولا كان ليا اختلاط بالبنات ودى اول بنت عرفتها وربى يعلم انى حبيتها بجد كلمتها بعدين وقالتلى مش الشقه هي سبب الانفصال سبب الانفصال انها مارتاحتش معايا مع انى كنت بحاول اسعدها وبحاول اعمل كل حاجه بتحبها وعلى قد ماقدر كنت بهتم بيها
انا مش عارف لحد دلوقتى سبب الانفصال الحقيقى ومش عارف انا عملت ايه عشان تغير رايها مره واحده كدا انا حاولت معاها كتير بس هيا كانت رافضه النقاش اصلا ياترى السبب في مين وياترى السبب الشقه ولا فرق التعليم انا خريج كليه تجاره وهي كلية هندسه ولا شافتنى مش مهتم بيها ولا فى قصت حب قديمه فى حياتها وعشان كده ماقدرتش تكمل معايا انا مش عارف لحد دلوقتى لما بغمض عينى لما اجى انام اشفها قدامى على قد محبتها على قد ماقلبى انجرح
بالمناسبه هيا اللى معرفانى على الصفحه بتاعتكم وهيا مشتركه على الصفحه واسمها
انا مش قادر انساها ومش قادر عقلى يبطل يفكر فيها
ممكن تنزلو الرساله على صفحتكم دى لو حبيتم بس بلاش اسماء وممكن توصلو الرساله ليها عشان تشوفها
انا بعت الرساله دى عشان انا مش عارف اعمل ايه انا حاسس نى اتضلمت اوى وعمرى ماكنت تعبان فى حياتى زى دلوقتى
عايز اعرف راى الحب ثقافه
شوف أخي الحبيب فيه صنف من البنات معندوهش قلب بيقدر يحسبها ففي حالتك مثلاً البنت شايفة نفسها مهندسة يعني عايزة تتجوز إما دكتور أو مهندس ويا سلام لو كانت حلوة شويتين تقول وأنا لية أتعب بدراستي وبالأخير أروح أجوز حد خريج كلية تجارة يعني آخره محاسب بألف جنيه مثلاً ومعهوش يشتري الشقة اللي أنا عايزاها تقول في نفسها لا يا عم أنا أنتظر فرصة أفضل بس صدقني البنت اللي زي دي مش بتكسب كتير في حياتها ممكن تلاقي دكتور مهندس لكنه يهينها وتندم علي إنها سابتك لكن بعد فوات الأوان شوف أخي الحبيب أغلبنا مرينا بتجارب زي تجربتك وكنا متخيلين أن هذه التجربة نهاية الدنيا لأ بالعكس وكما يقال العاقل من أتعظ بغيره أنصحك بالآتي:
1. كن رجلاً وحافظ علي كرامتك بمعني أدق إنساها
2. أجعل هذه التجربة تحدي لك أثبت لنفسك قبلها إنك تستاهل الأفضل منها وأنك شخص ناجح
3. ستجد من تستحقك بعد أن تنجح بحياتك
وشكراً لك
أهلاً بك Mawhoup،
أنت لم تخطئ في شئ ولكن عذابك مصدره أنك تريد معرفة سبب الإنفصال والسبب الحقيقي هو أنكم غير متوافقين وهذه هي طبيعة فترة الخطوبة ففي ظل أنه لم يكن هناك تعارف مسبق قبل الخطوبة فيتم التعارف خلالها وانت كنت صريح وتحدثت عن ظروفك بكل صراحة وبدون خداع وسواء كانت أسباب رغبتها في عدم إكمال العلاقة مادية أو عاطفية أو إجتماعية فما حدث قد حدث وهي رأت أنك غير مناسب وإبتعدت بهدوء ولكن في نفس الوقت هذا لا يعيبك في شئ فالحياة مازالت أمامك وعندما تجد الإنسانة التي تحبك وتعشقك وتبادلها نفس المشاعر ستعرف المعنى الحقيقي للحب.
لا تعذب نفسك وتلوم نفسك فقد مر من الوقت ما يكفي لتتغلب على تعلقك بالفتاة وتمضي نحو حياتك ومستقبلك.
عزيزي هناك رجال يتعبهم الرفض ويزيد تعلقهم بالفتاة التي إبتعدت عنهم يوماً بعد يوم ويتخيلون أن هذا الحب هو الحب الأول والأخير ولن يمكنهم نسيان الفتاة ولكن في الواقع الفراق أفضل بكثير من الزواج بمن لا تحبك أو تراك الشريك المناسب لها وعندما تؤمن بداخلك أن هذه الفتاة لم تكن مناسبة لك وأنك تستحق حب حقيقي ستجد نفسك تغلبت على آلامك وتبدا حياتك من جديد.
تحياتي