العلاقات
انا حاليا عمري 19 سنه من تقريبا 3 سنين يعني كنت تقريبا 16 و زياده شويه حبيت لاول مره فحياتي في صلة قرابه من بعيد بينا هي انسانه طيبه و حنينه جدا و فيها كل حاجه حلوه بس للاسف مكنش ينفع اصارحها بحاجه لانها اكبر مني ب 4 سنين و 10 شهور بالظبط كنت بقدر اتكلم معاها بحكم صلة القرابة اللي بينا و في وقت وقعت فمشكله و حكيتلها المشكله و وقفت جنبي معنويا و كانت لتساعدني علي قد ما تقدر فقولتها اني بحبها هي بكل احترام و ذوقت حنيه قالتلي انت كويس وكل حاجه بس انا كبيره عليك وانت زي اخويا الصغير و معاملتها ليه كانت زي ما هيه و في فتره حسيت انها زادت كمان كل فتره والتانيه كنت ساعات المحلها اني بحبها و كل مره كان نفس الرد ساعات كنت بحس انها بتحبي بس فرق السن هوا اللي بيمنعها مثلا من فتره اكتر كانت الحاله بتاعتها علي what's app صوره انا كنت حاطتها روحت بعتلها اوميشن بعتتلي اومشن قلب قولتها كل دا قالتي قلبي كله ميغلاش عليك مش عارف اذا كانت تقصدها فعلا ولا مجامله علي و ساعات بحس انها معتبراني زي اخوها من اكتر من 9 شهور كنت قررت اني اقفل الموضوع دا و انساها و فعلا بدأت مكلمهاش وابعد عنها و ابعد عن اي حاجه تفكرني بيها و وصلت ففتره حسيت اني نسيتها فالفتره دي اتعرفت علي وحده علي الفيس بوك كانت من محافظه تاني غير محافظتي حسيت اني حاسس من نحيتها بحاجه و قولتها و هي كانت بتبادلني نفس الاحساس بعد فتره حسيت ببداية حاله من الفتور من نحيتي فالعلاقه دي مش عارف ليه يمكن عشان مشوفتهاش خالص عشان هي من محافظه مختلفه طلبت، انها تبعتلي صورتها و بعتتهالي لقيتها مش فمستوي الجمال اللي متوقعه و اللي هيه قالتلي عليه ان هيه حلو انها هتعجبي لما اشوفها بس مرضتش اقولها بعد فتره حالة الفتور دي ابتديت تزيد وانا كنت بضغط علي نفسي عشان اكمل عشان مجرحهاش و عشان فبداية العلاقة انا وعدتها اني مش هسيبها وهكمل معاها بس بصراحه مقدرتش اضغط علي نفسي اكتر خصوصا ان الظروف كانت اضطرتني ارجع اتعامل مع اول انسانه حبيتها بحكم ان هيه قريبتي و حسيت اني لسه بحبها فسبتها عشان خوفت الموضوع ينتهي بزواج واكون بظلمها عشان كنت حاسس اني مش هقدر احبها وكمان عشان مكنتش فمستوي الجمال اللي كنت متوقعه و اللي هي قالتي عليه زي ما قولت انا مش عارف اللي عملته دا صح ولا غلط انا حساس بالذنب عشان ظلمتها و جرحتها و الموضوع اثر عليا و بقا شاغل كل تفكيري و كمان زهقت من حبي لقريبتي دي و بقيت متلخبط مش عارف اذا كنت لسه بحبها ولا لا مش عارف اذا كان اللي كنت حاسس بيه نحيتها دي مشاعر مراهقه ولا دا عشان كان سبب اني اظلم بقيت كل ما احس اني معجب بواحده اخاف اكلمها خايف ادخل فعلاقه جديده مش عاوز اظلم حد تاني وكمان مش عارف احكم علي مشاعري ياريت تساعدوني اسف اني طولت
مرحباً Mustafa Ahmed،
في البداية، أحب أن أوضح لك انه من الطبيعي أن تكون مشاعرك متقلبة في فترة المراهقة. كما أنه من الطبيعي أن تشعر بالإعجاب والحب تجاه أشخاص مختلفون، وقد تتغير مشاعرك مع مرور الوقت.
ولذلك بالتحديد، لا ننصح المراهقين باتخاذ أي قرارات مصيرية متعلقة بالحب في سن المراهقة. فلا داعي للشعور بالذنب تجاه أي شخص، طالما لم تسبب له أي أذى، بل عبرت عن مشاعرك وهي أنك غير قادر على الإستمرار بالعلاقة، وهو حقك.
بالنسبة لمشاعرك تجاه قريبتك، فأرى أنها مشاعر إعجاب، وستزول مع الوقت، كما ان فرق السن قد يجعل الأمر صعب، خاصة وأنها صرحت لك بالفعل أنها تعتبرك أخ أصغر لها.
للمزيد عن العلاقات في سن المراهقة
https://lmarabic.com/love-and-relationships/love-during-puberty-5facts
تحياتي
نعم عزيزي، من الطبيعي ان تكون لديك رغبة في بدء علاقة عاطفية. فقط كُن نفسك ولا تتصنع، وتقبل فكرة ان مشاعرك متقلبة في فترة المراهقة، وقد تحب شخص، ثم ييختفى الحب، وتُعجب بشخص آخر.
كُن صريح في التعبير عن مشاعرك وتطلعاتك لمن تحب، سيسهل الأمر عليك.
للمزيد عن التعبير عن المشاعر
https://lmarabic.com/love-and-relationships/happy-relationships/expressi...
كما أنصحك بالإطلاع على قسم الموسوعة الخاص بالعلاقات لمعلومات أكثر
https://lmarabic.com/love-and-relationships
تحياتي
ازيك يامحمد البنت التانيه انت محبتهاش اصلا لانك كنت بتملا فراغ اللي عملتها البنت الاوله لاني لما بنحب في حاجه اسمها بلايشر سينترز المخ بيحتاج كميه اقل منها لاما الانسان اللي بنحبه بيسبنه احنا بنحتاج لكميه اكبر فانت بدل ما تاخد وقت وترجع للكميه العاديه انت دخلت في علاقة حب جديده علشان تعوض الكميه دي بس مش اكتر مش علشان انت حبيتها انت بقيت تتقبل اني ده حب علشان الاحساس ده مش اكتر للاسف انت بس كنت عايز تعوض نقص وزلمت البنت التانيه ياريت متقررهاش او بعد فتره ترجع للبنت التانيه تاني وتجرحها تاني سلام.....انا عبده 17سنه
اولا حضرتك انا اسمي مش محمد ثانيا انا مش عارف ايه الاسم اللي ظاهر لحضرتك لو MA_7 ف دا اختصار لاسمي واسم والدي
ثانيا الهرمونات اللي بتتفرز لما الانسان بيحب هيه اولا هرمون الاوكسيتوسين و دا بيسموه هرمون الحب و هوا كمان سبحان الله بيتفرز عند الولاده و الرضاعه و هرمون تاني اسمه الدوبامين و دا هرمون السعاده او هرمون الادمان دا بتفرز برضه لما الانسان بيحب و فبعض الحالات التانيه غير الحب و برضه لما الانسان بشرب مخدرات انما ان المخ يفرز اللي انت قولته دا فبصراحه انا اولا مره اسمع الكلام دا والمعلومات اللي بقولهالك دي انا دارس وقاري عنها انا كنت علمي علوم و دارسه الغدد الصماء و افرزتها و تأثيرها علي الجسم عجبني الموضوع و قررت اني اقرا اكتر عنه دا غير اني بحب علم النفس وعندي كتب عن الطب النفسي انصحك تقرا فيه هتستفاد كتييير
قصتي نفس قصتك ومهما حد نصحك مش حتسمع بس حقولك نتيجته ايه للي حصلي حياتي اتدمرت وخسرت فلوسي عارف ليه لان دخلت في دراسة غير دراستي ودخلت في شغل غير شغلي بسبب حبي لانسانة ومحصلش نصيب الحب شيء جميل بس لازم يكون لانسانة تستاهل يعني اصيلة وقبل كدا يكون عندها دين قرب من ربنا وابعد نظرك عن اي انسانة الا لما تنوي الزواج والارتباط
اولا حضرتك انا الحمدلله من النوع اللي مش بيسمع النصيحه و مش من النوع اللي بيحب ان تكون في حاجه متحكمه فيه انا بطبعي عنيد و مفيش حاجه بخليها تزلني او انها تقلل مني او احساس اني من غيرها اموت يعني لو بموت و حضرتك معاك برشام هيعالجني و قعدت تساومني هقولك خلاص مش عاوز حاجه اموت احسن و فعلا انا لما لقيت ان مش هينفع يكون في علاقه بيني ما بين الانسانه اللي كنت بحبها مبعدتش عنها بس غيرت نظرتي ليها و الي حدا ما عرفت اخليها بالنسبالي من حبيبه انسانه بحبها و نفسي اكمل معاها بقيت عمري لانسانه بحبها بس حضرتك تقدر تقول زي اختي او حب من غير مصالح مش عاوز منه حاجه عادي و دا شايفه كويس جدا دلوقت انا قادر اتعامل معاها عن الاول و حاسس اني قادر احب غيرها بس المشكله اللي عندي دلوقت اني من وقت للتاني بحس بالذنب نحية الانسانه اللي اتعرفت عليها ع الفيس بوك السؤال اللي سألته دا كان بالظبط 12/9/2017 واحنا دلوقت 21/4/2018 يعني من 7شهور و 9 ايام بالظبط فالفتره دي حصلت حاجات كتييييير معايا و اتغيرت حاجات كتيييير فيا للاحسن الحمدلله