العلاقات
انا تعرفت على شاب من مواقع التواصل وبقينا اصحاب اوي اوي وعلى طول بنتكلم مع بعض، وبعد فترة التقينا اكتر من مرة واعترف ليا بحبو، وكان محترم اوي ولا عمرو عمل حركة كدة ولا كدة.. المهم حصلتله ظروف بقى وضعه سيء، عرضت عليه اديه فلوس كان في الاول رافض الفكرة اوي وكان يتعصب جدا لكن بعد اصراري وافق ياخد، وبعد كدة بفترة بقى يلمح انو محتاج ومفيش حد يديه لا صحابو ولا قرايبو فإديته كمان مرة وبقى يكلمني انو حيردهوملي يوم ما يظبط وضعو وانو مش ناسي معروفي ويفضل دايمن يذكرني اني ساعدتو وقت زنقتو، بس بقى الايام دية يطلب مني ويلح بشكل مباشر انو عايز اجبلو حاجات او عايز فلوس وانو مزنوق ومضطر عليها وانا بقالي فترة مطنشاه وما اديتوش حاجة لأن الفار بدا يلعب فحجري، هو ده اسمو ايه؟ استغلال ولا خلاص استسهال و اتعود اني افضل اديه لما يطلب؟
ساعدوني اعمل ايه وازاي اتأكد من صدقه معايا؟
يابنت الحلال مش محتاجة نصيحة باينة زي الشمس واحد عمل عليك فيلم حتي لو مش شغال او عاطل مثلا حسسك ف الاول بالامان وانه مش عاوز فلوس ورفض وبعدين اخد مرة والتانية ودلوقتي بيطلب تاني تفتكري دا راجل ويشيل مسئولية انا لو راجل وبحب واحدة اشتغل باي فلوس واجيب مصاريفي ومطلبش من اي مخلوق ولا حتي اللي بحبها .... انا رائي تبعدي عنه وتقلوليه انت عليك مبلغ كذا عوزاه لو افترضنا عنده عزة نفس وجابة خديه وريحي دماغك وابعدي عنه لو مجبهوش وقالك معرفكيش واجبلك منين يبقي بان ع حقيقته وكل سنة وانتي طيبة مش محتاجة فتي كتير ف كلتا الحالات سبيه دي نصحيتي ليكي وربنا يسعدك
مرحباً Gameela،
إذا كانت تصرفاته تثير الشك بقلبك، فهو بالطبع غير مريح. ثقي بأحاسيسك، حتى ولو حاول إقناعك بعكسها.
قد تكوني وقعتِ ضحية محتال متمكن ومتمرس، يبحث عن المال بتمثيل الحب، أو مجرد شاب وجد فرصة سهلة للدعم المادي فإعتمد عليها وإعتبرها مصدر دخله بحجة الظروف.
قد تكون ظروفه حقاً صعبة، ولكن حتى في هذه الحالة، ليست مسئوليتك أن تدعميه مادياً.
بالنسبة لسؤالك عن مشاركة الأعباء المادية في العلاقات العاطفية، فلا توجد قاعدة عامة، ولكن البعض يفضل ألا يشارك في الأعباء المادية، إلا إذا كانت العلاقة قوية والثقة شديدة، والطرف الآخر أثبت بالدليل أنه شخص مسئول وغير معتمد على الشريك/ة كنوع من الإستسهال أو الإعتمادية السلبية.
يرجع القرار لكِ في النهاية، بعد التفكير الجيد.
تحياتي
بجد متشكرة اوي ولردودك السريعة ربنا يحفظك استاذ محمد، وربنا يفوقني من الغيبوبة لي اسمها حب دي لي بتعميني عن اني اشوف الحقايق وبتخليني دايمن اطلع اعذار للي بحبو وما ارفضلوش طلب لكن الحمد لله بقالي شهرين ما اديتوش حاجة بالرغم من تلميحاته المستمرة انو معهوش حاجة وعن ظروفه الصعبه ومشكلتي اني مبقدرش اقولو صراحة اني مش هقدر اساعده لانو احيانا بيطلب حاجات تكلفتها بسيطة زي كرت شحن مثلا فبخاف يفتكرني برفض بسبب بخل او حاجه