العلاقات

بصراحة عندي زميلة بالشغل، مميزة
وحلوة وأخلاق عالية هيي طبعاً مو من نفس
جنسيتي هيي عراقية كردية وانا سوري من دمشق.
كتير متعلق فيها وهيي اكتر شخص ممكن حس اني
مرتاح معو، يلي جذبني ألها هوي كلامها
وصدقها وانها دايماً موجودة كرمالي ما بعرف
ازا هيي هيك مع كل اصدقائها بس نحنا بالمكتب
بحس اني اكتر شخص مقرب ألها.
بينفض قلبي بس شوفها وحسيت منها بعض
العلامات انها معجبة فيي.
من فترة كنت مسافر بشغل وهيي كانت كل يوم
تبعتلي مسج وتحاكيني اذا كان بشغل او بأي
موضوع تاني، كنت حس انها عم تخلق اي موضوع بس
لتحاكيني وتتطمن عني. وأول ما رجعت ضمتني
بطريقة خلت روحي تطلع وترجع مرة تانية وقدام
الكل، كانت حركة مو متوقعة منها.
القصة انو كتير حابب قلها اني معجب فيها بس
خايف هالشي يدمر علاقتي فيها بالأخص انو
نحنا زملاء بالعمل يعني وجهنا بوجه بعض اغلب
الأوقات.
عم فكر اني اتأنا شوي واترك الموضوع فترة من
الزمن وبعدين شوف شو بعمل وبصراحة حابب حدا
يعطيني رأيو بالموضوع.
شكراً.