الحمل
السلام عليكم
من حوالى 3 شهور اتاخرت الدورة حوالى أسبوع وشكيت انى حامل وعملت اختبار حمل طلع ايجابى بعدها بكام يوم من غير أى سبب حسيت بنغزات شديدة فى بطنى من تحت وبعدها نزل افرازات بنى ونزل دم لونه أحمر مش زى دم الدورة بعدها استمر الدم وانا قلت انى كده الدورة نزلت والحمل مكملش جبت اختبار حمل منزلى بعد ما ما الدم وقف لاقيته ايجابى بس قلت يمكن الهرمون لسه موجود فى الدم وبعدها جت لى الدورة لمدة 3 شهور وبعدها انقطعت وكانت بتنزل بكميات قليلة ودلوقتى هى انقطعت خالص حتى ملهاش أعراض بس عندى الم شديد اسفل الظهر ونغزات فى بطنى من تحت زى الإبرة بتيجى وتروح
انا كده مش عارفة هل أنا عندى مشكلة ولا انا لسه حامل ولا ايه ؟
أرجو الرد وشكرا جزيلا
مساء الخير دكتور
انا أجريت اختبار منزلى لكن فى منتصف اليوم وظهر لى خط خفيف كانى مش شايفاه كانه خط تبخر والآن عندى نغزات فى المبايض زى الإبرة والم ظهرى ما زال مستمر
والدتى حدثتنى عن الحمل الغزلانى هل فى احتمال أكون حامل أم انى أعانى من مشكلة ما؟
علما بأنى دورتى على طول منتظمة كل 28 يوم وأول مرة اتاخرت كان فى حملى الأول
مرحباً Safwa Abdelwahab،
إجراء احتبار الحمل المنزلي بشكل خاطيء قد يعطي نتيجة غير دقيقة.
أنصحك بإجراء اختبار حمل منزلي في الصباح مع أو مرة تبول في اليوم، واتباع الإرشادات المصاحبة للعبوة بدقة. إذا ظهر خط واحد في الإختبار فهذا معناه أنه لا يوجد حمل. أما إذا ظهر خطين، فهذا معناه أنه يوجد حمل.
إذا كانت نتيجة الإختبار لا يوجد حمل، فلا توجد مشكلة بالنسبة للشك في الحمل. أما إذا أظهر الإختبار أنه يوجد حمل فلابد من زيارة الطبيب/ة فوراً لتأكيد نتيجة الإختبار بتحليل الدم والسونار. فمن الخطير وجود حمل وحدوث نزيف متكرر في نفس الوقت.
أيضاً، وبالإضافة لموضوع الحمل، أنصحك بزيارة الطبيب/ة للفحص ومعرفة سبب انقطاع الدورة والألم الذي تشعرين به.
تحياتي