الحمل
مثل ماقلتلكم اخواني انا اعاني من عدم انتظام الدورة اخر ثلاث دورات اجو بوقتهم عادي ، هاد الشهر صار تاخر بشهرين و اكثر شوي ، يوم 26 من هاد الشهر لقيت خط دم بالافرازات و ولما حطيت الحفاظة بالليل مانزل شي بنوب و بالليل شرب كاس شاي تبع القرفة و يوم 27 استحميت الصبح و نفس الشي بالليل لما اجيت امسح بمنديل ابيض لقيت خط دم احمر و بعدين مانزل شي بنوب و بالليل شربت كاس حليب ساخن و حطيت فيه ملعقة قرفة و ملعقة عسل و نمت و صباح يوم28 كان عندي الم تحت البطن لما رحت للحمام و مسحت بالمنديل لقيت دم و لونو قريب للبني و لما حطيت الحفاظة نزل دم قليل و كان لونو يكاد يكون اسود بالخفاظة و بالليل كمان شربت كاس حليب مع قرفة و عسل و يوم 29 خلاص تدفق دم كثير حتى بالليل لما فتت الحمام كان فيه كتلة صغيرة من الدم بالحفاظة و صار معي الم اسفل الظهر من الجهة اليسرى و اليوم كمان لسا الدم بينزل كثير و لسا في الم خفيف اسفل الظهر من الجهة اليسرى . لهيك لما نزل الدم ارتحت و قلت خلص نزلت الدورة بس لما بالبداية نزل اسود خفت كثير لانو قرات انو الدم الاسود يعني وجود حمل و لما شفت الكتلة الصغيرة من الدم قلت ياويلي بلكي كان فيه حمل و بعدها صار اجهاض لانو قرات انو دم الاجهاض اصير فيه كتل دم . بليز طمنوني و الله راح جن من التفكير ، هل برايكم طبيعي اول يومين من نزول الدورة فيه دم ب في المنديل و اليوم الثالث لون اسود و اليوم الرابع نزول دم غزير مع كتلة صغيرة و كمان الم الظهر بدالي مبارح بالليل بس و الله راح جن و كثير استفسارات و مخاوف براسي بقول هل كان فيه حمل و بعدين تم الاجهاض بعدين بقول اذا اجهاض ليش من البداية مو غزيز ، و الله راح جن من التفكير
مرحباً بك،
الدم البني أو الأسود هو دم مؤكسد، بمعنى أنه تفاعل مع الأوكسجين، أو ببساطة دم بطيء في الخروج من المهبل، قد يكون دماً قديماً من الدورة السابقة أو دماً من الدورة الحالية لكن تدفقه بطيء، وبالتالي يحتاج وقتاً أطول للخروج من الجسم، مما يحوله من الأحمر للبني وأحياناً للأسود.
هذا لا يدعو للقلق، ولا يحتاج لزيارة الطبيب/ة إلا إذا صاحبته أعراض أخرى مثل الألم الشديد الذي لا يختفي بالمسكنات، وهو شائع بين النساء اللاتي تستخدم التامبون بانتظام، والنساء اللاتي يستخدمن حبوب منع الحمل.
وأحياناً، قد يدل الدم البني أو الأسود على انخفاض في هرمون البروجستيرون.
وبمراجعة سؤالك السابق عن إمكانية حدوث الحمل بالطريقة التي تم ذكرها، فمن المستحيل حدوث الحمل.
في كل الأحوال ننصح بزيارة طبيب/ة النساء لمعرفة أسباب عدم انتظام الدورة الشهرية وعمل الفحوصات اللازمة ووصف الدواء المناسب.
أنصحك بقراءة المقال التالي الذي يوضح مواصفات دم الحيض
https://lmarabic.com/our-bodies/female-body/menstrual-blood#:~:text=%D8%....
تحياتي