العلاقات
انا عندي ٣٠ سنة مطلقة ومعايا طفلين ومرتبطة بقالي ٩ شهور بشاب عنده ٣٥ سنة متجوزتش قبل كده وبنحب بعض وبيننا تفاهم كبير وهو مثقف ومتفتح وبيحترمني ودي اكتر حاجة بدور عليها والدنيا بيننا تمام
احنا مش عايشين مع بعض في نفس البيت بس بنتقابل كل شهر ينقضي اسبوع مع بعض لانه عايش في محافظة تانية العلاقة الجنسية بيننا كويسة جدا
هو ماديا حاليا بيكر بظروف مادية مش احسن حاجة فأنا بعزمه اغلب الوقت وهو لما بيكون معاه فلوس الدنيا بتبقى تمام هو مش بخيل نهائي
بس انا بقالي فترة جوايا مخاوف أني ممكن اكون بتعرض لاستغلال في العلاقة ومش عارفة احدد لاني بحبه ومش عارفة أقيم العلاقة
هو حنين جدا وبيهتم بيا وبيعاملني كويس جدا وانا واثقة أنه بيحبني بس جوايا مخاوف لاني اتعرضت في العلاقة السابقة لخيانة واستغلال مادي
هو عمره ما طلب فلوس انا اللي بصمم أعزمه ولما بيجي البيت عندي انا بصمم اجيب الحاجات لاني عارفة أنه مش معاه فلوس،
اختي النهاردة قالت لي انتي بتقدمي له كتير جدا مقابل ايه؟ هو بيستغلك جسديا علاقة بدون اي التزام ولا اي ارتباط ولا مسئوليات وكمان بتصرفي عليه اغلب الوقت مقابل ايه؟ اهتمام وشوية مشاعر وجنس؟
كلامها وجعني جدا واول مرة اركز واتحط قدام نفسي اتلخبطت جدا واتذبذبت لاني اصلا صعب جدا اثق في أي حد
هل اللي بيحصل ده اسمه استغلال أو abuse ولا عادي أن يكون نمط العلاقة بيننا كده ؟
تنصحوني بإيه، مرسي جدا ليكم
مرحباً Lily139،
نتفهم مخاوفك وقلقك ونأسف لما مررتِ به من استغلال في علاقة سابقة.
نود الإشارة إلى أن كل علاقة لها تفاصيلها الخاصة ولا بد أن يتفق الطرفان في كل علاقة على حدود العلاقة مسئوليات كل منهما تجاه الآخر وتجاه العلاقة.
نشجعك على التحدث عن مخاوفك مع شريكك والتعبير عن احتياجك للشعور بالأمان في العلاقة.
وبالنسبة لاحتمالية الاستغلال المادي والجسدي، نشجعك على التفكير في ما ترغبين في فعله من حيث المساعدة المادية والممارسة الجنسية.
فهناك بعض الأشخاص لا يفضلون إقامة علاقة جنسية إلا بعد الارتباط الرسمي وهناك من يتفق على ممارسات سطحية فقط، في الآخر القرار يرجع لكِ ولرغبتك، ولا يحق لأي شخص إجبارك على ممارسة أي فعل إلا بإرادتك ورغبتك.
ونشجعك أيضاً على مناقشة الملف المادي سوياً والاتفاق على طريقة للتعامل المادي بينكما.
وننصحك بتصفح المقال التالي للمزيد من النصائح
https://lmarabic.com/marriage/thinking-about-marriage/marriage-decision/
تحياتنا