العلاقات

تم نشره من قِبل Sara Tarek

من 3 سنوات اتعرفت على واحد عن طريق زميلة من بلد اوروبية
قالت اني بنت خالتها وانا شكلي اوروبي مع اني مصرية 100%, حبيته جدا بعد سنة انا عشت حياة قاسية جدا عاطفيا على الرغم اني جميلة
لاكن عمري ما لاقيت الحب اللي بدور عليه لقيته معاه هو وحبني حب تتمناه اي ست في الدنيا دي كلها
عرفني على اهله و عيلته كلها وبقيت مش عارفة اقوله ايه
انا من عيلة كبيرة واهلي ناس كويسين جدا جدا و الحمد لله معنديش حاجة اتكسف منها بس الايام عدت و مشيت
و مبقتش عارفة اتكلم و كل مالوقت بيعدي الدنيا بتتعقد اكتر
عمري ماحبيت حد بالصورة دي لاني عمري ماقابلت راجل يستحق الحب لاكن هو خلاني اشوف الدنيا قد ايه جميلة
انا بحبه جدا و عيلته و امه بيعشقوني
المشكلة ان فس ناس كانوا صحابي و جت واحدة بنت حرام ظلمتني ووقعت بينا و كانت هي السبب في انهم يكرهوني واقسم بالله العظيم اني عمري مافكرت اني ائذي حد
بسببها كلهم راحوا كلموه و قالوله كل حاجة انا ماكنتش عارفة اقولها واتصدم وانا شخصيا ماكنتش حابة اتكلم معاه عشان شعوره هو و احساسه وانا اقسم بالله بحبه جدا ده حب عمري كله
دلوقتي هو مكدبهم و امه حكتلي كل ده المفروض انه اول ماسمع الكلام ده بعتلي و قالي متكلمنيش تاني ابدا و انسيني للأبد
وامه كلمتني حكتلي كل التفاصيل قالتلي انه اكتئب وراح اترما ف حضنها و قالها لو كلامهم صح ليه ماقالتليش الحقيقة
هو شايف اني مستعرية منه وانا مش ممكن ابدا استعر منه ده احسن راجل في الدنيا و لو عشت عمرين على عمري مش هلاقي زيه ابدا
وقال لأمه انه لسة عايز يتأكد من صحة كلامهم وقالها كلامهم لو طلع صح انا هقولها تنساني لانها استعرت مني
وده مش صحيح انا الايام عدت بيا وخفت اقوله يضايق و ينهار
وخفت اهله يغيروا رأيهم فيا و لما يعرفوا اني مصرية يجيبوا كل اللي فات و يحطوه تحت الميكروسكوب و يبتدوا يبصولي بصة وحشة اوي
وطول الوقت كنت انا بنهار و بدعي ربنا يكون من نصيبي و اقول سهلها يارب عليا و حلهالي بس خصوصا لما عرفته واتأكدت ان ده الراجل اللي عشت عمري كله استناه وده الحب اللي كنت بحلم بيه
اعمل ايه بس دلوقتي اتكلم معاه بكل صراحة و اوضحله ايه اللي خلاني اعمل كدا وافهمه ولا اسيبه بحجة انه هو اللي طلب مني كدة من فترة و امسك في الكلمة واعيش طول عمري متعذبة اني سبت حب وراجل عمري ماهلاقي زيه ابدا
انا تعبانة جدا ومبنامش وصحتي في النازل من مهدئات لأدوية مضادة للأكتئاب
يارب ساعدني انت العالم باللي جوايا وانت العالم بكل حاجة

الإجابة
0

مرحباً سارة،

أشعر بحبك له وتعلققك به. ولكن الكذب والخداع أمر لا يتسامح فيه البعض. وأنت قد بنيت علاقتكما على كذبة، نعم من المفترض ألا يهم كونك مصرية أم أوروبية ان كان يحبك لشخصك، ولكنك كذبت وهذا أمر ليس بالسهل تجاوزه.

ولكن دعيني أسئلك، لماذا كذبت من البداية؟ لماذا لم تقابليه بجنسيتك الحقيقية؟ وهل ان كنت قابلتيه كمصرية، هل كان سيحبك؟ أم انه كان يبحث عن امرأة أوروبية ولذلك اتصدم؟

قد يحتاج حبيبك لبعض الوقت ليفكر كيف سيتعامل مع الأمر ومن المهم ان تعطيه تلك المساحة. وفي خلال هذا الوقت راجعي أفكارك فيما يخص هويتك، وكيف تريدين ان تبني علاقتك معه أو مع شريك آخر. وهل ان كنتِ مكانه، كيف كنت ستتصرفي؟

أجابت مستشارة الموقع مروة رخا على سؤال شبيه، قد تحبين مطالعة الإجابة من الرابط التالي
https://lmarabic.com/news/question-I-am-a-liar

تحياتي

0

انا اتحطيت في الوضع ده وكنت مش عارفة اقوله امتى
فجأة لقيت العيلة كلها بتتعرف عليا ولقيتني معرفتش اتصرف و الموضوع بيكبر
و خفت اصرح و سبت الوقت يعدي انا بحبه قوي والله واللي جوايا هو هو
هو بس فاكر اني مستعرية منه و ده طبعا مش صحيح
ولحد الآن قدامه المفروض انا معرفش انه عرف لأن امه اللي حكتلي و اقرب صاحب ليه برضه حكالي وانا لا انكرت ولا اكدت
ده الراجل اللي عشت عمري كله احلم بيه و يوم ما الاقيه و الاقي اهله الطيبين اللي بيحبوني الحب ده كله
راجل محترم بمعنى الكلمة و ربنا يعلم مهما اتكلمت عنه مش هقدر اوصف اللي جوايا لاكن كل اللي بفكر فيه اللي جاي ايه
هو مش من الناس اللي بتفكر في واحدة اجنبية لأغراض ولا كدة و حقيقي هو مش فارقة معاه بس هو ده اللي حصل
و مكانش بيدور عن واحدة اوروبية كان بيدور عليا انا
حاولت كتير اجبهاله بهزار حاولت اقربها منفعش

0

والله العظيم ماكان هدفي الخداع انا عرفته من 3 سنين و حبيته بعد سنة و بقالي سنتين في صراع و بتعذب و كل ما اقرر اني هتكلم اسكت عشان حاجة واحدة بس
واقسملك بالله مش انه يسيبني او لأ
لا الحاجة اللي كانت بتخليني ماقولش هو احساسه الداخلي بعد مايعرف كدا انا اقسم بالله بخاف على احساسه جدا

0

اريد ان ارسل أحداث جديدة ممكن؟

0

مرحباً مجدداً سارة،

بالنسبة للتفاصيل التي شاركتيها مسبقاً، فالحل الوحيد هو المصارحة الكاملة بكل شيء.
فحتى تنهي هذه الكذبة تماماً وتلغي أثرها على العلاقة، أنصحك بمصارحة حبيبك بكل شيء الآن والإنتظار لمعرفة رد فعله. وبناء عليه يمكنكما تحديد شكل العلاقة في المستقبل.

ولكن بكل تأكيد لا يمكنك بناء علاقة على الكذب أبداً.

إذا رغبتي بإرسال تفاصيل جديدة فيسعدنا الإجابة عليك.

تحياتي