العلاقات

السلام عليكم
مش عارف ابدأ الموضوع منين انا عندى 25 سنة اعمل مهندس تكنولوجيا معلومات فى احدى الشركات فسخت خطوبتى امبارح كنت خاطب ابنة بنت عمى 18 سنة ثانوية عامة يعنى بنت عمى تبقى حماتى و بنت عمى كانت متجوزة و مخلفه بنت و ولد و جوزها توفى جه اخويا اتجوزها يعنى اخويا بقى حمايا اخويا بيشتغل شغلانة مرموقه جدا فى قطر مهندس بترول بيقبض بالدولار و فاتح شركة متوسطه فى مصر بتجيبله دخل كبير انا و خطيبتى كنا بنحب بعض جدا جدا و حصل ان اننا اخدنا على بعض جامد و كنت واخد على بيت نسايبى جامد نظرا لصلة القرابة القوية فضلنا سنة و نص مخطوبين خلالهم حصل بعض المشاكل زي بيت اخويا متخاصمين مع اختى و عيالها و مش بيكلموها و العكس فلما كنت احاول اتدخل يحصل مشكله معاهم لدرجة انهم فى مرة قالولى انت من طريق و احنا من طريق اخويا طبعا كان مشارك فى الشبكة و تجهيز الشقه و حماتى (بنت عمى) هي من اتخذت القرار فى ذلك و حصل مشكله مع ابى و اخى و لكن ربنا ستر و مرة اخرى حدثت بينى و بين خطيبتى انى مروحش الجيم عشان فيه بنات و ان هتفرج عليهم و حصلت مشكله بسببى لعدم ثقتها فيا راحت امه قالتلى مش عايزها خد شبكتك و كانت كل لما تحدث مشكله امها تمسكها تضربها عشان تعرف ايه المشكله بينى و بينها لانها كانت بترفض تقولها و و مشكله اخرى كنت معزوم عندهم و حماتى كان مزعلة خطيبتى و ضرباها و كانت خطيبتى بتعيط فخدتها على جنب و قعدت اهدى فيها و اتكلم معاها راحت امها جت و قالتلى متعدوش مع بعض تانى و كده غلط بحيث انها تكيد بنتها و حصل منى انى قولتلها متجيش عليها و كرامتها من كرامتى و اللى يجى عليها همسح بكرامته الارض و حدث مشادة و اضطريت انى امشى و انا خارج امها شتمتنى و قالتلى يا كلب و حدفت عليا كوز معدنى و تفاديته و فى نفس اليوم حصل بينى و بين امها تصالح و مشيت الامور و جت فترة شراء الاثاث المنزلى انا كنت دافع مهر و هما كانو هيكملوا على المهر قبل يوم الفرش كنت متخانق انا و خطيبتى بسبب انهم كانواعايزين يسافروا دمياط و انا مكنتش عايز اجى و قولتلهم روحوا انتوا و حصل منها انها قالتلى انت طماع و مش بتحس بابويا و عايزنا نشترى من القاهرة و الحاجه غاليه تانى يوم الخلاف ده امها اتصلت بيا عشان نروح نجيب الفرش و انا مراعى الخصوصية بينى و بين خطيبتى ولكنى مش عايز اروح بسبب الاهانة و لكن جهزوا و استنونى و عشان احنا فى بيت واحد بيعدوا على شقتنا و هما نازلين كان اخويا الاوسط جاي من السفر و حماتى لسه مسلمتش عليه فطلبت من حماتى تخش تسلم عليه قالتلى معلش مستعجلين و حسيتها بتهرب منه لان كان حصل مشكله بينهم بقيت طبعا ماشى معاهم مش طايق الاتنين لحد لما حماتى فتحت الموضوع و لقيتها بتقوللى عيب قولتلها العيب على مين مش الاصول تخشى تسلمى قالتلى مش عايزة اسلم عليه و مطلعش هو يسلم ليه و حدث بينى و بينها حوار شديد فى الشارع و قولتلها اصلا مش حابب اجى قالتلى خلاص يللا نرجع قولتلها ايوة يللا نرجع و لفيت ولقيتها وقفت قالتلى احنا مش هنرجع كانت هيا و خطيبتى قولتلهم روحوا انتوا انا مش جاي و كملت بعد ما مشيت حوالى 100 متر كده اتصلت عليا و قالتلى عيب و هزعل منك قولتلها انا مش هكمل معاكوا خلاص مش هينفع المشاكل دى كلها و بسببك طبعا خافت ارجع البيت لان اللى فى البيت هيعرفوا و انا محبتش انى يكون موقفها و حش فلما لقيتها عرضت عليا نتكلم فى اي حتة رجعت واشتكيت ليها من بنتها و اللى قالته و وعدتنى انها هتسلم على اخويا لما نرجع بس نروح نشترى الفرش و حجزنا و لكن تبقى النيش حدث خلاف معاهم برضه لانهم عايزين نيش و اتفقت انا وخطيبتى على نيش يكون صغير عشان مايخدش حيز فى الشقه كبير و اتفقنا و خلاص و هيعملوه عموله و لما روحت عندهم لقيت عكس اللى اتفقنا عليها و اختلفنا سوا تانى لانها عايزة نيش كبير و مشيت عشان اتخنقت و انا طالع تمتمت بتيييت ام النيش سمعونى المهم طلعنا للشقه بتاعتى و خدنا مقاسات و حددنا اماكن الحاجه و طلع فى ماكن للنيش الكبير عدى كام يوم و لقيت اتهام موجه لابويا انه مقالهمش مبروك و مش فرحان و كان ساعتها بابا عامل عمليه فى عينه و تعبان و مشغول مع اخويا اللى جه من السفر لانه جاي يحل بعض المشاكل و راجع فلما رديت عليها كده سكتت شوية و بعدين قالتلى ده هو زعلان ان احنا اشترينا فرش غالى قولتلها هو مقالش حاجه راحت قالتلى لا امك قالت مشيت و سيبتها لانه حسيت عايزانى اكره ابويا انه مش فرحان لينا و سالت امى و فعلا مكنش قال حصل يومها مكالمه بينى و بين خطيبتى و قولتلها ان امك طلعت بتكدب و ماما قالت بابا مقالش حاجه كان رد ان ماما مش كدابه ده امك اللى كدابه و لاتؤتمن على سر اتخانقت معاها بسبب شتمها لامى وقولتلها يا غبية يا حيوانة متجبيش سيرة امى على لسانك و غورى و قفلت التليفون فى وشها بعد عدة اتصالات منها رديت عليها و اتاسفت و اتصالحنا و تانى يوم الصبح اتكلمنا كلام حب و رومانسى و الدنيا ماشية بعد الظهر لقيت وش تانى خالص و زعلانه قولت اسكت يوم يمكن عايزة تريح اعصابها لكن محصلش كده لقيت امها بتتصل بابويا بعدها بيومين و بعتت معاه الهدايا اللى كنت جايبها ورجعتله الشبكه و المهر و فسخت الخطوبة بابا قالها انه هيستنا اخويا لما يجى قالتله انها اتفقت معاه هناك و خلاص الموضوع بالنسبالهم منتهى انا طبعا بعد المشاكل دى بالنسبالى مش زعلان بس زعلان بسبب اللى كانت حماتى عمالة تشوه فى سمعتى و تقول انى كنت بشتمهم بالام والاب و قليل الادب و كلام تشويه فى منطقتنا و كمان حاسس بالذنب بسبب ان انا و خطيبتىى وصلنا لدرجة انه حصل بينا بوس و احضان و لمس و حصل تلامس بين بعض المناطق لكن محصلش دخول و حاسس بالذنب ناحيتها جدا و مش عايز اسيب بسبب الموضوع ده اللى حاسه دين فى رقبتى بالرغم انى هستريح من المشاكل دى كلها لكن مش عايز استغنى عنها بعد ما حصل بينا حاجات زي مع العلم ان اهلى قعدوا مع خطيبتى و هيا رافضه حاليا و بتعيب فى منظرى لانى تخين شوية و انها قالت انها خدت درس و مش هتتجوز غير واحد غنى فهل لو انا اتجوزتها هل ده هيصلح من الامر شىء بالنسبه للتعامل مع الله هل ده هيخفف عقوبة ربنا عليا لو حصل رجوع و حصل وفاق ولا خلاص كده ارجو المساعده