العلاقات

تم نشره من قِبل القلب المجروح

السلام عليكم
انا خطبت بنت عمى من فترة كبيرة وكانت علاقتنا فى اولها كويسة وجملية ولاكن بعد فترة من بدايتها حسيت من خطبيتى انها بداءت تبعد عنى وبداء اسلوبها وطريقتها فى الكلام والتعبير تتغير للاسواء فصارحتها بكدا
وبعد فترة لقيتها بتطلب منى الانفصال قولتلهالية واى الاسباب قالت مفيش اسباب ؟ طب لية دا حبيتك وبقالى معاكى 3 سنين وخلاص الفرح قرب لية بتعملى كدا ؟ قالت مفيش مع العلم انى والله مزعلتها فى مرة وكل خلاف كانت هى السبب فية وكنت انا اللى بروح وبصالحها مع العلم انها اقل منى فى 8 سنين وكنت بقولها اللى انتى عاوزه واى حاجة هتحتاجيها هعملهالك ولو انا قصرت فى حاجة انا اسف بس بلاش تسيبينى وانا محتاجلك اوى
وبعدها ابوها كلمها وامها كلمتها واخواتها وحالتها وعماتها وهى بردو مصرة على رايها وهو الانفصال
وبعد فترة لاقيت ابوها اللى هو عمى بيبعد عنى وعنى والدى وكذالط اسرتها كلها تجنبونا وكاننا شر لهم
روحت وسالتو مالك ياعمى متغير من ناحية اسرتى لية قالى مفيش ؟ انا كويس ؟ بابا راحلو بردو وسالو نفس السؤال ؟قالو مفيش انا طبيعى بعدها بفترة لاقيو بعتلى حد من الناس انا اعرفو بيقولو قولو يجى ويقول كل واحد يروح لحالو ؟ الرجل جة وقالى وبعد نقاااااااااااااش طويا معة ومع عمى فى الاخر لاقيتو بعتلى حاجتى اللى كانت عندو..انا دلوقتى حبيت بنت عمى بجد وبعد اللى هى عملتو هى وابوها دا معتش ينفع ابقى عليهم
انا دلوقتى عاوز انساها واطلع من الجو اللى انا فية لانى حبيتها بجد وخاصتة ان هى جارتى
وفى نفس الوقت بحاول ادور على عروسة لان وصلت 27 سنة وانا مهندس كهرباء بس خايف اظلمها واكون باخد القرار دا انتقاما من بنت عمى واشفى غليلى بس فى الاول ولاخر اللى انا هخطبها دى بنت وليها سمعتها فاعمل اى انا احترت بجد ؟ عاوز انساها ؟ وانسى السنين اللى فاتت وقضيتها معاها ؟
وفى نفس الوقت عاوز واحدة متكنش اقل منها فى الجمال والتعليم مع انها كلية دراسات اسلامية
واى هى النصيحة اللى تقدمهالى فى الوقت دا ؟
ارجو الرد ؟ واسف للاطالة؟

الإجابة
0

عزيزي، لقد رأيت وأحسست بين كلماتك بمشاعر حب صادقة تجاه بنت عمك، ولقد فعلت أنت كل مايمكن فعله لكي تبقي على العلاقة ولكن قد يكون من حسن حظك أن العلاقة لم تكتمل فكم راينا من مشكلات حدثت بسبب زيجات تمت بضغط من طرف واحد أو من الأهل.
أنت الان في مرحلة عدم الإتزان العاطفي فأنت مازلت تفكر بها، وهذا التفكير سيقل مع الوقت، وهذا التوقيت هو أسوأ توقيت لبدأ علاقة جديدة إنتظر حتى تستعيد توازنك ويقل تفكيرك في العلاقة السابقة ومن ثم يمكنك أن تبدأ علاقة جديدة. فكل تفكيرك الان منصب في أن توصل رسالة إليها كما نقول بالعامية " ده انا ألف واحدة تتمناني" وصدقني هذا سيجعل نسيانك للموضوع أصعب وستظل تشعر أنك غير سعيد في زواجك وأنك مازلت تحب بنت عمك.
لكن تخيل معي لو أنك وصلت لإتزان نفسي وقابلت فتاة أخرى وتحركت مشاعرك نوحها وأحببتها بصدق وبادلتك هي نفس الشعور وقتها سيكون حبك القديم مجرد ذكرى عابرة تمر على ذاكرتك مرور الكرام. بل والبعض يقول لنفسه أن إختياره السابق لم يكن صحيحاً وأنه أكثر سعادة في علاقته الجديدة.
إشغل وقتك الان في عملك فكم من شباب كانت أزماتهم العاطفية قوة دفع لهم في النجاح في العمل وكانت هذه نقطة تحول في حياتهم بل أن نجاحهم في الحياة العملية جعل مئات الفتيات يتمنون أن يرتبطون بهم.
تعلم من هذه التجربة فخبراتنا في الحياة تأتي من تعلمنا الدرس جيدا في التجارب السابقة، فالألم دائما يعقبه نجاح إذا تعلمنا من أخطائنا.

0

جزاكم الله خيرا على حسن الرد والف الف شكر
ان شاء الله القادم احسن

0

مرحباً بك في أي وقت

0

جزاكم الله خير.. منتدى رائع جداً
كادت عيني تدمع من قراءة قصتك اخى المهندس
ربي يوفقك ويرزقك ببنت الحلال الي تسعدك وتسعدها طول العمر
انساها .. انساها .. انساها
القادم أجمل باذن الله