العلاقات
انا بحب بنت بس مامتها هى الحاجز اللى مابنا عشان بتكرهنى ومش بطيق تسمع صوتى ولا اسمى حاولنا كتير نقنعها تقرب مني وهى لا كل اللى عاوزاه تبعد عن بنتى هى البنت الحمدلله بتحبنى وانا بحبها بس مامتها الحاجز مامتها كانت هتجوزها لابن عمتها عشان تبعد عنى بس فى الاخر البنت وقفت على خيار كانت مامتها خيارته ليها من شهرين انها تسبنى ويتلغى موضوع ابن عمتها يأما تفضل معايا ويتم يوميها هى رفضت بس لما الموضوع كبر وكان هيتم وربنا بعت جدها والد مامتها من السفر عشان يبقى سبب الغاء الموضوع كان عليها ضغوط من مامتها ومن باباها ومن عمتها ومن ابن عمتها حتى انا كنت بضغط عليها وانا بعترف من كتر الضغوط تعبها نفسيا وعصبيا خلوها تكلم مامتها وتوافق على انها تسبنى والموضوع ينتهى وفعلا الموضوع اتقفل وقالتلى احنا مش هنتكلم تانى وموضوعنا انتهى طبعا كل دا من ورا قلبها وكل مانتكلم تقولى كل اللى بنا انتهى طبعا هى بتغصب نفسها انها تتجاهلنى بس بنتكلم بردو ف الاخر بتتتلكك بأي حاجه عشان تسمع صوتى وانا عارف هى اه بتعصبنى بكلامها بس عادى شهر مارس اللى فات دا كامل عيشتنى فى العذاب دا هى ابعد وانا متمسك بيكى طبعا دا مفرحها اوى بس مامتها السبب *** لحد يوم الاربع اللى فات كلمتنى بجد واتكلمنا فتره طويله فون وفضلنا نقنع فى بعض هى تقولى ابعد انا مش هرجع تانى وانا اقولها خلي عندك امل فى ربنا محدش عارف ايه اللى هيحصل بكرا هى لا مش راجعه ليييييه مش راجعه عشان ماما .. مامتها قالتها لو دا اخر شخص فى الدنيا مش هتتجوزيه طبعا هى قالتلى انا مش عاوزه افضل احبك وفى الاخر متكنش ليا هى قالتلى انا بحبك وكل حاجه بس مامتها الحاجز الواحيد اللى مابنا هى عاوزه تطمن من مامتها انها هتبقى ليا بس مامتها عملالها احباط ... يوميها بعد ماقفلنا بليل عملت عليها حوار ان انا عملت حدثه بالعربيه عشان تسأل وكدا طبعاا مسألتش بس لما صحبتى كلمتها قالتلها انا ببقى عاوزه اكلموا بس بمسك نفسي بالعافيه وانا والله بحبه بس ماما الحاجز مابنا بس اول مره نقعد 5 ايام منتكلمش اخرنا كان 3 ايام بس .... لكن انها انهاردا بعتلها رساله على الفيس قلتلها وحشتينى زاى عادتى انا اللى ببدا دايما واسأل ومستنى انها ترد عليا او مش هترد مش عارف بس انا صحاب كتير ليا قالولى فكك منها انت عملت اللى عليك شوف حياتك مع غيرها والكلام دا وانا مش شايف غيرها ولا عاوز غيرها ... انا خايف انها تضيع مني انا بحبها اوووووى بجد بس مامتها بتكرهنى انا مش عارف اعمل ايه ارجو الافاده ** وشكرا .....
أهلا بك Tamer
أولا كل شيء نصيب وقضاء وقدر ومقدر ومكتوب!
أولا عليك أن تعرف جميع أسباب رفض والدتها ثم تعالج كل سبب منهم
ثانيا عليك بالحوار مع الأم مباشرة
ثالثا عليك بتقبل الأمر الواقع وتترك الموضوع للظروف والأقدار.
إذا اصرت والدتها على الرفض، انس هذه الفتاة وابدأ صفحة جديدة من حياتك وكما يقول المثل "دعها تذهب فإن كانت لك ستعود لك وإن لم تعد فهي لم تكن لك أبدا"
الاسباب انها فى الاول فتحت الاكونت بتاعى على الفيس هكرته ةدخلت وشافت مسدجات بينى وبين بنات صحابى وفى منهم بنات كنت بقولهم بحبك والكلام دا دى حاجه الحاجه التانيه انها اول مره كلمتنى فيها فون كانت بعد الموضوع دا لما حبيبتي وجهتنى بموضوع الفيس دا وزعلت مني مامتها كلمتنى عشان اكلمها واخرجها من الحاله اللى هى فيها اتصلت بيا وقالتلى هى مش بتخرجه من الاوضه ومش بتقابل حد ولا عاوزه تاكل ولا تشرب كلمتنى وطلبت مني فى المكالمه دى ان انا اعامل بنتها على اننا صحاب وانسى موضوع الحب دا وابعد عنها وحدا وحدا طبعا انا وفقت وانا اصلا مش هعمل كدا بس وفقت وكلمت حبيبتى وصالحتها وكلمتها بس مقدرتش اقولها الكلام اللى اتفقت مع مامتها عليه بعدها بفتره اتصلت بيا مامتها تانى عشان تشوف انا عملت ايه رديت عليها قلتلها انا مقدرتش اسف عشان بحبها ومقدرش اعيش من غيرها طبعا مامتها اتعصبت جدا وقالتلى انا مش بحب لما اتفق مع حد ويخلف وعده معايا انا غلطانه انى كلمتك واعتبرتك راجل طبعا يوميها انا اتعصبت عليها وقلتلها انا لو ليا نصيب فيها غصب عن اى حد هتكون هى اتعصبت اكتر وقفلت السكه فى وشي ومع كلامها معايا بعد كدا كان كله ابعد عنها سبها انتوا مش لبعض انا عارفه انك بتحبها وهى بتحبك بس انتوا مش لبعض والكلام دا *** بس انا عرفت من حبيبتى ان مامتها لما اتكلمت معاها قلتلها ان انا دماغى صغيره مش قد المسئوليه وكمان مهنة الوسط الفنى دى هى مش بتحبها طبعا وعندها عقده وحاجه فى دماغها ان انا ممكن اتجوز عرفي وحاجات كدا وكل دا وهى مش عاوزه تعرف عني حاجه كل ماجي اكلمها عن نفسي تقولى ابعد عن بنتى كل دا ميهمنيش المهم انك تبعد عنها وبس وكمان هى قالت لحبيبتى لو دا اخر شخص مش هتتجوزيه هاتى اى حد الا دا والكلمة دى اللى اثرت على حبيبتى وخلتها محبطه ****** وانا بعت لها رساله امبارح بس زاى العاده شفتها انهاردا ومردتش عليها انا فاهم دماغها بتعمل دا غصب عنها مش عاوزه ترد عليا تثبتلى ان كل حاجه انتهت وكل دا بسبب مامتها بس انا اتغيرت لما حبتها بجد بس مامتها مش عاوزانى وكرهانى انا لسه بفكر ان انا اقابل مامتها بأي شكل اعمل المستحيل عشان اقبلها مش عارف اعمل كدا ولا اسبها على ربنا ولو ليا فيها نصيب اكيد هاخده ولو مفيش اكيد ربنا شايلى الافضل والاحسن